Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev áskerı tikushaqtyń apatqa ushyrýyna baılanysty qaza bolǵandardyń otbasylaryna kóńil aıtý jedelhatyn joldady.
Nursultan Nazarbaev áskerı tikushaqtyń apatqa ushyrýy saldarynan Qazaqstan Respýblıkasynyń Qarýly Kúshteri áskerı qyzmetshileriniń qaza bolǵany týraly habardy zor kúızelispen qabyldady.
«Qazaqstannyń áskerı qyzmetshileri árqashan antyna adal, sondaı-aq Otanyna sheksiz berile qyzmet etýde. Jastarymyzdyń mezgilsiz qaza bolýy qabyrǵamyzdy qaıystyrdy.
Orny tolmas qaıǵyǵa ortaqtasyp, qaza bolǵandardyń týystary men jaqyndaryna kóńil aıtamyn», – delingen jedelhatta.