Shymkenttik dárigerler jol apaty kezinde zardap shekken 19 jasar qyzdyń aıaq býyndaryna alǵash ret pyshaqsyz ota jasady. №1 qalalyq klınıkalyq aýrýhanasynda ótken jabyq operasııa kezinde mamandar boıjetkenniń aıaǵyndaǵy jarylǵan sińirin hırýrgııalyq jolmen baılap berdi.
Kúrdeli ota kezinde bilikti maman aýrýhana bazasynda 2 naýqastyń tize býynyna tiliksiz ota jasady. Tiliksiz operasııa jasaý úshin travmatologtar «artroskop» apparatyn qoldanyp, aıaqtaǵy jaraqatty hırýrgııalyq jolmen emdedi.
Aıta keterligi, bul retki jabyq operasııaǵa Almaty qalasyndaǵy Qazaq medısınalyq úzdiksiz bilim berý ýnıversıtetiniń professory Arman Abdýrazakov jetekshilik etti. Ári, operasııa jasaý kezinde jergilikti aq halattylarǵa óz tájirıbesimen bólisti.
«Buryn mundaı otalardy jasaý úshin ezilip ketken jilikshelerdi tizeni tilip, býyndardy ashyp baryp alatyn. Endi deneniń eki-aq jeri tesiledi. Bul ádistiń naýqastardyń erterek aıaǵynan tik turyp ketýine paıdasy kóp jáne denege tyrtyq túspeıdi», - deıdi densaýlyq saqtaý salasynyń bilgiri.
Nurshat TО́KEN,
«Egemen Qazaqstan»
Shymkent