«QTJ-Júk tasymaly» AQ basshylyǵy Ulttyq ekonomıka mınıstrligi ókilderiniń «Doing Business» reıtıngi ındıkatorlary kórsetkishterin jaqsartý jónindegi keshendi sharalar jospary sheńberinde ótkizgen Almaty qalasy kásipkerlerimen bolǵan kezdesýge qatysty.
«QTJ-Júk tasymaly» AQ marketıng jáne servısti damytý departamentiniń dırektory Emil Mahmudov «Doing Business» reıtınginiń «Halyqaralyq saýda» kórsetkishteri jáne LPI logıstıkasynyń damytý ındeksin arttyrý, logıstıkalyq klımatty jetildirý boıynsha Kompanııada atqarylyp jatqan jumystar týraly aqparat bere ketti.
«QTJ-Júk tasymaly» AQ salalyq mınıstrlikter jáne júkjóneltýshilermen birlese tehnologııalyq prosesterdi ońtaılandyrsa, bul júkjóneltýshilerdiń qarjylyq shyǵynyń jáne birqatar júkterdi eksporttaý ýaqytyn qysqartty.
Tasymal prosesterin transformasııalaý baǵdarlamasy júzege asyrylýda. Onyń maqsaty – tasymal qujattaryn rásimdeý erejesin, olardy maquldaýdy jeńildetý.
Bıznes-prosesterdi júrgizýdi jaqsartý úshin tasymaldaý qyzmetteriniń tıimdiligin baqylaýǵa múmkindik beretin KRI ornatylǵan.
«Sharttyq jáne kommersııalyq jumys» (ShKJ ABJ) avtomattandyrylǵan basqarý júıesiniń engizilýi klıenttermen jumys prosesin jeńildetti jáne ýaqyt qysqartty.
Qazirgi kezde elektrondy tasymal júkqujattardy rásimdeý 456 stansııada júzege asyrylady. Respýblıkaishilik qatynasta «Qaztemirtrans» AQ menshigindegi barlyq bos vagondaryna qaǵazsyz tehnologııa boıynsha elektrondy tasymal qujattaryn rásimdeý bastaldy.
Ázirbaıjan men Qyrǵyzstan temir joldarymen qaǵazsyq júk tasymalyn jáne aqparattarmen almasý týraly kelisimge qol qoıyldy. Elektrondyq júkqujatynyń kóleminiń málimtterin aýdarymy boıynsha synaq jumystary ótkizildi.