Bul kórmeniń deńgeıi óte joǵary, Kanada, Brıtanııa, Brazılııa, Argentına, Germanııa, Qytaı, Ońtústik Koreıa, Japonııa sııaqty ekonomıkasy damyǵan memleketterdiń eń úzdik iri kompanııalary, bıznessmenderi, eksport-ımport kompanııalarynyń top menedjerleri qatysty.
«Otandyq óndirýshi bul kórmege aparǵan qurǵatylǵan bıe súti SAUMAL men dál solaı qurǵatylǵan túıe súti SAUBOTA-ny usyndy. Sol kórmedegi kelissózder negizinde, budan bylaı atalǵan otandyq ónimder Amerıkanyń álemge áıgili AMAZON ınternet dúkeninde satylatyn boldy. Bizdiń otandyq ónimdi Amerıkanyń kásápkerleri óte jaqsy qarsy aldy. Buryn sońdy estimegen, kórmegen untaq túrinde shyǵarylatyn tabıǵı ónim amerıkalyqtar úshin sony jańalyq boldy», deıdi kompanııa ókilderi.
Kórme barysynda kóptegen halyqaralyq bızness kompanııalarmen kelis-sóz júrgizip SAUMAL men SAUBOTA-nyń eksporttaý múmkinshilikterin kelesi qadamǵa shyǵardy.
«Aldaǵy ýaqytta Amerıkanyń iri kásipker kompanııalarymen birlese otyryp, Amerıkanyń FDA sertıfıkatyn alýǵa áreketter jasalyp jatyr. Eger bul másele ońtaıly sheshilse, biz úlken kólemde eksporttaýǵa Amerıkanyń memlekettik mekemelerinen ruqsat alýǵa múmkindik bolady», deıdi kompanııa ókili.