Bıylǵy jyldan bastap Túmen óńiriniń týrısteri Býrabaı men Balqash kólinde demala alady. Qaraǵandy jáne reseılik týroperatorlar arasyndaǵy yntymaqtastyq týraly kelisimshart Qazaqstan men Reseı arasyndaǵy XV aımaqaralyq yntymaqtastyq forýmy sheńberinde ornatyldy. Forým týrızmdi damytýdaǵy jańa tásilder men úrdisterdi talqylaýǵa arnaldy. Bul týraly Qaraǵandy oblysy ákimdiginiń baspasóz qyzmeti habarlady.
Balqash kýrorttyq aımaǵy – týrızmniń óńirlik damýynyń negizgi núkteleriniń biri. Ol respýblıkalyq týrıstik kartanyń TOP-10 nysanyna engizilgen.
Ishki jáne syrttan kelý týrızmin damytýdyń memlekettik baǵdarlamasy jańa nysandardy salýdy, jaǵajaılardy abattandyrýdy, kommýnıkasııalardy júrgizýdi kózdeıdi. Negizgi nysan retinde eki demalys aımaǵy anyqtaldy — Shubar-Túbek jáne Toryńǵalyq.
Bıylǵy jyly uzyndyǵy 360 shaqyrymdy quraıtyn tórt jolaqty "Qaraǵandy-Balqash" avtobanynyń qurylysyn bastaý josparlanyp otyr.