Jańasha soqqy jasalmaq

Seısenbi, 21 aqpan 2012 8:22

Endi elimizdiń Qarjy polısııasy jeke quramynyń sybaılas jemqorlyqqa qarsy kúres baǵyty boıynsha basty nazary para bopsalaý jáne bıýdjet qarajatyn urlaýmen júıeli túrde aınalysatyndardy qylmystyq jaýapkershilikke tartýǵa baǵyttalatyn bolady. Bul týraly Ekono­mıkalyq qylmysqa jáne sybaılas jemqorlyqqa qarsy kúres agenttiginde ótkizilgen keńeste aıtyldy. Onda Memleket basshysynyń «Áleýmettik-ekonomıkalyq jańǵyr­tý – Qazaq­stan damýynyń basty baǵyty» atty Qazaqstan hal­qyna Joldaýyn iske asyrý máseleleri talqylandy.

Seısenbi, 21 aqpan 2012 8:22

Endi elimizdiń Qarjy polısııasy jeke quramynyń sybaılas jemqorlyqqa qarsy kúres baǵyty boıynsha basty nazary para bopsalaý jáne bıýdjet qarajatyn urlaýmen júıeli túrde aınalysatyndardy qylmystyq jaýapkershilikke tartýǵa baǵyttalatyn bolady. Bul týraly Ekono­mıkalyq qylmysqa jáne sybaılas jemqorlyqqa qarsy kúres agenttiginde ótkizilgen keńeste aıtyldy. Onda Memleket basshysynyń «Áleýmettik-ekonomıkalyq jańǵyr­tý – Qazaq­stan damýynyń basty baǵyty» atty Qazaqstan hal­qyna Joldaýyn iske asyrý máseleleri talqylandy.

Elbasynyń Joldaýyn bas­shy­lyqqa alǵan agenttik tór­aǵa­sy R.Túsipbekov Prezıdent­tiń tapsyrmalary sheńberinde qarjy polısııasy organ­dary­nyń aldaǵy kezeńdegi jumy­synyń maqsatyn naqtylady. Atap aıtqanda, agenttiktiń kúsh-jigeri júıeli sybaılas jemqorlyq jáne «kóleńkeli» ekonomıkamen kúreske, bıýdjet qarajatyn urlaý derekteriniń jolyn kesýge, sondaı-aq kadr quramyn bilikti mamandarmen jańartýǵa baǵyttalýy tıis ekendigin atap ótti. Jedel bó­limshelerdiń jumysy tek qoz­ǵalǵan qylmystyq isterdiń sa­nymen baǵalanatyn júıesinen bas tartýdy talap etti. Son­dyq­tan jumystyń túpki maq­saty kináli jandy sottaýmen qatar, qylmystardy jasaýǵa negiz bolatyn sebepter men sharttardy joıý bolyp belgilendi.

Bul oraıda Rashıd Túsip­be­kov «Biz sybaılas jemqorlyq jáne ekonomıkalyq qylmys­tar­dy jasaýdyń aldyn alyp jáne olardyń jolyn kesýge tıispiz. Qylmysty jasaýǵa negiz bola­tyn sebepter men shart­tardy joıý qajet» dep qadap aıtty. Osy keńeste qylmystyq tabys­tar­dy «jylystatýǵa» jáne olar­dy elden shyǵarýǵa qarsy kúres, sonymen qatar jal­ǵan kásip­oryn­dar qyzmeti­niń jolyn kesý basym baǵyttar retinde anyqtaldy.

Agenttik tóraǵasy tekserister men qylmystyq isterdi tergeý barysynda kásipkerlik sýbek­ti­le­riniń qyzmetine zańsyz arala­sý­dy toqtatýdy talap etti. Ol úshin R.Túsipbekov ekonomıkalyq salamen jáne bıznes-qury­lym­dary­men jumys jasaý kezindegi qarjy polısııasy organdary óki­lettik­teriniń shegi men sheńberin, son­daı-aq baqylaýshy organ­dar­dyń kásipkerlik sýbektilerdiń qyzme­tin tekserýge bastama­shy­lyq jasaý úshin qajetti negiz­de­melerdiń tolyq tizbesin normatıvtik deń­geıde anyqtaýdy tapsyrdy.

Sonymen qatar, mundaı tekserý tek aýmaqtyq departament bas­tyǵynyń jazbasha kelisimi boıynsha ǵana júrgizilý múm­kindigi bekitilip, al jeke ká­sipkerlik sýbektisin zańsyz tekserý taǵaıyndalǵan jaǵ­daıda tekserýge bastamashylyq jasa­ǵan adam ǵana emes, oǵan kelisim bergen basshysy da laýa­zymynan bosaý túrindegi jaýapkershilikke tartylatyn­dy­ǵy anyqtaldy.

Elbasynyń tapsyrmasyna sáı­kes qarjylyq-ekonomı­ka­lyq qylmystardy, onyń ishinde keıbir salyqtyq qyl­mys­tar­dy dekrımınalızasııalaý ju­mysyn jalǵastyrý júk­tel­di. Sóıtip, qylmystyq áreket­ter­diń arasynda tek qoǵamǵa jáne memleketke eleýli qaýip týdyratyndary ǵana qaldy­ry­l­atyn bolady. Agenttik, son­daı-aq, sybaılas jemqorlyq áreketterdiń tizbesin olardy jemqorlyq qylmystarǵa jat­qyzý negizdiligi boıynsha zerdeleıdi. Demek, isherin iship, jegenin jep ázirge murtynan kúlip júrgen jemqorlarǵa aldaǵy ýaqytta naǵyz soqqy beriletin sát te taıap qaldy.

Osy keńestiń barysynda R.Túsipbekov agenttik tóraǵa­sy­nyń jańa taǵaıyndalǵan oryn­basarlaryn ujymǵa ta­nystyrdy. Elbasynyń 2012 jylǵy 16 aqpandaǵy О́kimimen agenttik tóraǵasynyń birinshi orynbasarlyǵyna A.I.Lýkın, orynbasarlaryna – M.M.Ah­met­janov jáne A.J.Bo­danov taǵaıyndalǵan bolatyn.

Aleksandr TASBOLATOV.