- «Oqjetpes» búgin qorǵanys shebinde saýatty oıyn kórsetti. Olardyń tas qamal qorǵanysyn buzý ońaı bolǵan joq. Biz shabýyldy sońyna deıin jetkize almaı jattyq. Degenmen, kezdesý barysyn tolyqtaı baqylaýda ustadyq.
- Komanda taktıkalyq turǵyda ózmegendeı kórindi?
- Iá, «Aqtóbege» qarsy qalaı oınasaq, búgin de alańda solaı qımyldadyq. Komanda quramynda da ózgeris oryn alǵan joq. Bas bapker eshteńe ózgertken joq. Tartysty kezdesýde jeńiske jettik.
- Siz Sýperkýbok aıasyndaǵy kezdesýdi qosalqy quramnan bastadyńyz. Bas bapkerge áli de ózińizdi dáleldeý qajet pe?
- Múmkin jattyǵý jıyndarynda durys oıyn kórsetpegen bolarmyn. Birinshi oıyndy qosalqy quramnan bastaǵanymmen, qazir barlyǵy óz oryna keldi. Osylaı jalǵasady degen úmittemin.
- Jańa oıynshylar komanda quramynan ketken kóshbasshylardy almastyra aldy ma?
- Jańa fýtbolshylar quramǵa tez sińisip ketti. Dorın qazirdiń ózinde komandaǵa kómegin tıgizip jatyr. Alaıda, ol búgin óziniń barlyq múmkindigin kórsete alǵan joq. Búgin alańda bos keńistik az bolǵandyqtan, shabýylshylar óz múmkindikterin paıdalana almady. О́kinishke oraı, gol soǵatyn sátter az boldy.
Eske sala keteıik, «Astana» fýtbol klýbynyń bas seriktesi - «Samuryq-Qazyna» UÁQ AQ»