Sybaılastardyń sońǵy caǵaty soǵady

Sybaılastardyń sońǵy caǵaty soǵady

Sársenbi, 14 naýryz 2012 7:23

Elbasynyń Joldaýyna baılanysty Qarjy polısııasynda sybaılas jemqorlyqpen kúrestiń jańa baǵyty aıqyndalyp jatyr. Sonyń biri syrty jyl­tyr, ishi jemqor sheneýnikterge qarsy naqty maıdan ashyp para berýshini de, para alýshyny da, bıýdjet qarajatyn jegendi de, urlaǵandy da ońdyrmaı opyndyratyn jemqorlyqpen kúrestiń buryn-sońdy bolmaǵan strategııasyn jasaý qolǵa alyndy.

Sársenbi, 14 naýryz 2012 7:23

Elbasynyń Joldaýyna baılanysty Qarjy polısııasynda sybaılas jemqorlyqpen kúrestiń jańa baǵyty aıqyndalyp jatyr. Sonyń biri syrty jyl­tyr, ishi jemqor sheneýnikterge qarsy naqty maıdan ashyp para berýshini de, para alýshyny da, bıýdjet qarajatyn jegendi de, urlaǵandy da ońdyrmaı opyndyratyn jemqorlyqpen kúrestiń buryn-sońdy bolmaǵan strategııasyn jasaý qolǵa alyndy. Bul memlekettiń qarjysyn bılikti asyra paıdalanyp sybaılasyp sorǵan talaı sheneýniktiń sońǵy saǵaty soǵatynyn bildiredi. Mine, osy oraıda halyqtyń ortaq qazynasynan sybaılasyp isherin iship, jegenin jep, túk bolmaǵandaı taltańdaı basyp júrgen aramtamaqtardyń julynyn úzý úshin qazir qandaı sharalar qolǵa alynyp jatqandyǵy týraly bilmek oı­men Astana qalalyq ekonomıkalyq qylmysqa jáne sybaılas jemqorlyqqa qar­sy kúres departamentiniń bastyǵy Erbolat Balǵabaevpen áńgimelesken edik.

– Erbolat Temirbolatuly, Joldaýda aıtylǵandaı, qarjy polısııasynyń endi negizgi kúshi «kólkeńkeli» ekonomıkamen, bıýdjet qarajatyn urlaı­tyn­dar jáne tamyry tereńge ketken júıeli jemqorlyqpen kúresýge baǵyt­talýy tıis. Bul oraıda táýelsiz­di­gi­miz­diń jaǵasyna jarmasyp kele jatqan jemqorlyqty joıýdyń joly endi tú­begeıli jasalady dep oılaısyz ba?

– Iá, jasalýy tıis. О́ıtkeni, Elba­sy­nyń ústimizdegi jylǵy Joldaýynda aı­tyl­ǵan jańa máselelerdi halyq qazir taldap, bilip, endi sonyń oryndalýyn qalap otyr. Onyń basty sebebi, jyl saıynǵy joldaýlarda alǵa qoıylatyn tapsyrmalar nátıjesi ekonomıkalyq jaǵdaıy­myz­dyń joǵarylaýyna, elimizdiń jaq­sarýy­na, halyqtyń áleýmettik-turmystyq ahýa­­ly­nyń túzelýine túpkilikti sebebin tıgi­zip, jańasha ómir súrýge jol ashýynda dep bilemin. Sondyqtan halyq Joldaýdy asy­ǵa kútetini ras. О́ıtkeni, ár kúnniń, ár aı­dyń, ár jyldyń ózindik talaby bolady.

Sonaý ótken ǵasyrdyń toqsanynshy jyl­darynda el aldyna, ár memlekettik or­gan aldyna sol ýaqyttyń úrdisine saı ózindik bir talap qoıylǵany belgili. So­nyń ishinde Elbasy quqyq qorǵaý organdaryna da áleýmettik-saıası jaǵdaılarǵa baılanysty tapsyrmalar bergeni anyq. Osyǵan oraı quqyq qorǵaý organdary eli­mizdiń ekonomıkalyq jaǵdaıynyń jaq­sarýyna ózindik úlesterin qosqany da sóz­siz. Mine, osy baǵytta alar bolsaq, El­basy bıylǵy Joldaýynda da bizdiń salaǵa qatysty burynǵydan ózgeshe talaptar qoıyp otyr. Bul mindetti oryndaý úshin bizge san emes, sapa qajet. Al sapa bolýy úshin, árıne, jumystyń júrgenin kórýimiz kerek.

Osyǵan oraı Qarjy polısııasy agent­tiginiń Tóraǵasy Rashıd Tóleý­taıuly  Tú­sip­­bekov bizdiń vedomstvonyń aldynda tur­ǵan strategııalyq maqsattardy naq­ty­la­dy. Qarjy polısııasynyń jeke qu­ra­myna barlyq kúsh-jigerin sybaılas jem­qor­lyqpen kúreske, «kóleńkeli» ekono­mı­kaǵa qarsy turýǵa jáne bıznes ókil­deri­niń zańdy múddeleri men quqyqtaryn qorǵaýǵa jumyldyrý tapsyryldy.

– Qarjy polısııasy týraly jurt arasynda ózgeshe pikir qalyptasqan. Bir­qatar adamdar úrke qaraıdy. Árı­ne, olardyń kóbi jemqorlar bolýy múm­kin. Degenmen, qarjy polısııasy jazalaýshy organ emes qoı?

– Iá, durys aıtasyz, qarjy polısııasy jazalaýshy organ emes. Ol eldiń qamyn oılaǵandyqtan qurylǵan. Son­dyq­tan bizge, eń aldymen, jurttyń qoryq­qa­ny emes, halyqtyń senimi kerek. Senim bar jerde jumys ta júredi. Al senim bolý úshin isimizden ádildiktiń, adaldyqtyń ısi ańqyp turýy tıis. О́zińdi óziń jattaı syıla deıdi. Halyq senetindeı qyzmet at­qarylýy tıis. Mundaı jumys qarjy polısııasy bedeliniń artýyna birden áse­rin tıgizedi. Biraq aldymen mundaı jumysty atqara alýymyz kerek, ony atqara alatyndaı myqty mamandar bolýy qajet. Olar kimder? Olar tártipti, adal, máde­nıet­ti, ózderiniń qyzmetimen bıznes­ti ara­lastyrmaıtyn bilikti adamdar.

Bireýler aryzdana kelgende solardyń isin durys taldap, tıisti dárejede anyq­tap saralaı alatyn, eki tarapqa da zań talabyna saı ádil qaraıtyn maman bolǵany jón. О́ıtkeni, jábirlengen adamnyń qu­qy­ǵyn zań talabyna saı qorǵaý úshin má­se­leniń mánin, oqıǵanyń kózin tap basyp, aqty aq, qarany qara deı almasaq, qaıtip bireýlerdi jaýapqa tartýǵa bolady. Onda jábirlenýshini qorǵaý aýyly alys­taı túse­di. Sondyqtan ózimizdiń ara­myzdaǵy tárbıe jumysyn durys jolǵa qoıý kerek.

Bul jaǵynan alǵanda kadr tańdaý má­se­lesi aldan shyǵady. Al kadr bárin she­she­di dep tekke aıtylmasa kerek. Bizge ke­le­tin jastardyń kóbi sonaý mektep qa­­by­r­ǵasynan-aq osy quqyq qor­ǵaý organynda istesem, elime, halqyma paı­damdy tıgiz­sem degen oıda bola­tyn­dy­ǵyna shú­bám joq. Biraq olar joǵary oqý oryndaryn bitirip, barlyq zańdardy jattap kel­geni­men, endi myna isti terge dep bir­den jaýapty jumysqa júkteı almaı­syń. Jo­ǵary oqý oryndaryn bitir­gen jas ma­mannyń bilgeninen áli bil­me­geni kóp ekeni belgili. Mine, osy kezde naǵyz ter­geýshi­niń qan­daı bolatyndyǵyn oǵan úıretetin kim? Árıne, burynnan ju­mys istep kele jat­qan tisqaqqan mamandar. Eger olar jańa­dan kelgen jastarǵa óziniń júris-tury­sy­men, ádepti minezi­men, durys isi­men ónege kórsetpese, kim úlgi bolady?

Demek, biz agenttik tóraǵasynyń tapsyrmasyna saı óz aramyzda tárbıe ju­my­syn bastap kettik. Tárbıeli tergeýshi jurttyń kóńilinde zil qaldyrmaıdy. Qar­jy polısııasynyń qyzmetkeri neǵur­lym qarapaıym, adal bola tússe, ol so­ǵurlym zań talaptaryna saı áreket etedi. Aramyzda aryn satyp, qyzmet babyn paıdalanyp júrgender joq dep aıta almaımyn. Mundaı aramzalar qaı mekemede bolsa da kezdesedi. Degenmen, qarjy polısııasynda ondaı teris oıly jan­dar­dyń bolmaǵany durys.

Sonymen birge, agenttik tóraǵa­sy­nyń nusqaýy boıynsha qarjy polısııasy organdarynda zańsyz tekseris bolǵan jaǵ­daıda, ony júzege asyrǵan qyzmetkermen qatar onyń basshysy da jazalanatyn bolady.

Qylmyspen zańsyz kúresýge bolmaıdy degen qanatty sóz bar. Bul ataly sózdi qylmyskerlermen kúres júrgizgende olar­dyń qutylýyna, aılasyn asyrýyna túrt­ki, sebep bermeýimiz úshin umytpa­ǵa­ny­myz jón. Jan-jaqty bilikti, ashyq tergeý júrgizip, buljymas dáleldi alǵa tart­qan­da sol qylmyskerdiń ózi de amal joq, shyn­dyqqa moıynsunady. Myqty ter­geý­shiniń aqıqaty arqyly óziniń kináli eken­digine amaly joqtan kónedi. Bul sottyń da negizgi sheshimdi shyǵarýyna septigin tıgizip, qylmyskerdiń shyndyqtan jaltara almaýyna kómektesedi.

– «Halyq aıtsa qalt aıtpaıdy» degen naqyl bar. Qazirgi kúni kez kelgen mekemedegi qarapaıym adamdar kimniń jemqor ekendigin jaqsy biledi. Biraq bala-shaǵasy bar, alyp otyrǵan bir aılyq jalaqasynan aıyrylyp qal­mas úshin aýzyn asha almaıdy. Ásirese, myna birqatar AQ, JShS-ler, tipti qaı­sibir mekemeler elge paıdaly shy­ǵaryp jatqan túk ónimderi bolmasa da onyń basshylary myńǵyrǵan jalǵan baıǵa aınalǵandar. Bulardyń qyz­metin­de jemqorlyq kórinisteri joq dep oılaısyz ba? Ondaı jemqorlyqty múlde toqtatýǵa bolmas pa edi?

– Árıne, sózińizdiń jany bar. Halyq bárin de kórip otyr. Bireýler naqty eń­begimen halyqqa paıdasyn tıgizip baııdy, bireýler jatyp alyp jemqorlyqqa jol beredi. Endi, budan bylaı bıýdjet qar­jatyn qymqyrǵandar taırandap júre almaıdy. Sondyqtan sybaılas jemqor­lyqqa qaı salada kóbirek jol beriledi, áýeli soǵan basa nazar aýdaryp, monıtorıng jasap otyrý kerek. Bul bir sheneý­nik­tiń para alǵan nemese bıýdjet qara­ja­tyn urlap qoıǵan isine sáıkes ony tekserýge jan-jaqty daıyndalyp barýymyz úshin qajet. Demek, sybaılas jemqorlyq kórinisin anyqtaýǵa barǵan qyzmetker­leri­miz tekten-tekke tekseris júrgizbeýi tıis. Árbir habar úshin shapqylap, tek­se­ris júrgize berý abyroı ápermeıdi. О́z­ge­niń tolyqqandy jumys isteýine kedergi keledi. Biraq sybaılas jemqorlyq dere­gi­ne sáıkes tekseris júrgizildi eken, odan bir nátıje shyǵýy da kerek. Máselen, oıyn avtomattaryn qoldanbaý týraly zań bar. Soǵan sáıkes qalamyz da baqylaý júrgize almaıtyndaı úlken emes. Alaıda, jasyryn oıyn avtomattary bıznesi toqtar túri joq. Endeshe nege oǵan birjolata toq­tam salynbaıdy? Mine, osy oraıda biz qazir ondaı jasyryn oıyn avtomattary anyqtalǵan orynnyń bárin túpkilikti túrde múlde jaýyp tastaýǵa kiristik. Ekinshi ret, ıaǵnı qaıtadan biz bul máse­le­ge aınalyp kelmeýimiz qajet. Jasyryn oıyn avtomattary bıznesin joıǵannan keıin ol jerde sybaılas jemqorlyq degen de joıylady. Sóıtip, jasyryn bir­qa­tar bıznestiń qamtamasyz etilýine esh­kim de kómegin tyqpalaı almaıdy. Al qaı kóshede, qandaı páterde jasyryn oıyn avtomattary saýdasynyń júrip jatqanyn kez kelgen adam biledi. Demek, olardy anyq­taý da qıyn emes. Buǵan tolyqtaı múmkindik bar. Zańsyzdyqpen zań sheń­berin­de ǵana kúrese bilý kerek.

– Ujym basshysy retinde qyzmet­ker­lerge qandaı talap qoıasyz?

– Árıne, úlkendi-kishili qyzmetterde basshylyq oryndarda jumys istedik. Bi­raq ár qyzmettiń ózindik ereksheligi bar de­gendeı, qashanda qaı jerde de jaýap­ty­lyq birinshi orynda turý kerek. Jaqsy ju­mys júrýi úshin ujymdaǵy aýa raıy­nyń da nur shashyp turǵany durys. Ol úshin árbir qyzmetkerdiń jaǵdaıyn jaq­sy bilgenim jón dep oılaımyn. Onyń ot­basylyq, turmystyq, áleýmettik jaǵ­da­ıy, qandaı sheshilmeı jatqan máseleleri bar degendeı, múmkindik bolsa olardy sheshýge tyrysqan jón. Qyzmetkerdiń mun­daı máseleleri sheshilgen soń odan ju­mys­ty da qatań talap etýge tolyq quqymyz bar. О́tirik aıtylmaý kerek, ósek pen shyn­­dyqty aıyra bilgen durys. Kez kelgen qyzmetkerdiń ózindik oılary bar. Olar kúndelikti ómirde naqty másele­ler­men ti­ke­leı betpe-bet ushyrasyp jú­r­gen adam­dar. Men qyzmetke taǵaıyndalǵan boıda ár­bir qyzmetkerdi shaqyryp, olardan eger osy laýazymda qyzmet atqarsań, jumys­ty qalaı bastap, ne ister ediń degen su­raq­tar qoıdym. Rasynda, olardyń aıtalmaı júrgen oılary men usynys­tary kóp. Bir sózben aıtqanda, mem­le­ket­tik is­te ózim bilem deý ábestik, bizdiń bir-biri­miz­den úırenetinimiz barshylyq. Mu­nyń bári aqyr aıaǵynda, sybaılas jem­qor­­lyq­pen qaıtkende tıimdi kúresýge bolady degen suraqqa jaýap izdeý, aqyl­da­syp pish­ken ton kelte bolmaıdy.

Jalpy, qarjy polısııasy qyzmet­keri­niń árbir isinen de, sózinen de zańdy­lyq­tyń talaptary aıqyn bilinip turýy tıis. Adam tildeskenshe demekshi, máselen, sóı­lesken kezde de á degennen-aq kimniń kim ekeni bir­den baıqalady. Bul kezde máde­nıet­tilik, ádep­tilik, tárbıelik, izettilik biz­diń qyz­met­kerlerimiz úshin aýadaı qa­jet. Al kez kelgen bir isti tekserýge bar­ǵan qyz­met­keri­mizdiń mindeti óte aýyr. Onyń tergeıtin adamy qylmysker me, aıyp­ty ma, kúdikti me, jábirlenýshi me, meı­li, kim bolsyn, bári­bir adam ǵoı. Múmkin kúdikti degenimiz teksere kelgende sýdan aq, sút­ten taza adam bolyp shyǵýy kádik. Ol adam­dardyń bári­men birdeı mádenıetti túrde sóılese bilý kerek. Al ondaı sózdiń basy, barlyq qyz­met­­ker­lerime de qoıyp otyrǵan talap, meı­li bir-birimen sóıles­ken­de de «siz» dep til qatý­dan bastalǵany jón. Bara sala qoqan-loqy kórsetken ter­geýshiden góri adamdyq quqyn taptamaı joǵary mádenı talapta sóıles­ken qyz­met­kerimizge isti ashý jeńilge túse­ti­ni anyq. Bizdiń mindetimiz oryn alǵan qyl­­mys­ty ashý. Al ony jazaǵa tartý, tartpaý sottyń isi. Demek, biz ádildikti izdeýshi ıaǵnı naqty qylmystyń bolǵanyn jáne qalaı oryn alǵanyn dáleldeýshimiz.

Buryn munda tipti jurt óziniń bireýge bergen qaryzyn qaıtarý úshin de aryz­dan­ǵan eken. Sonyń qaryzyn qaıtarýǵa qar­jy polısııasy qyzmetkeri aralasypty. Bul múlde durys emes, óıtkeni, qarjy polısııasy qyzmetkeri bireýdiń qolshoq­pary emes. Mundaı eki adamnyń azamat­tyq isin qa­raıtyn sot bar, sonyń aldyna júginýi tıis. Qazir mundaı ister boıynsha shaǵym aıta kelgen jandarǵa túsindirý jumystaryn júr­gizýdemiz. Al eń bastysy, mundaı daýǵa aralaspaý arqyly biz qyzmetkerlerimizdi sy­baılas jemqor­lyq­qa sebep bolýy múm­kin derek kórinis­teri­nen saqtap qalamyz.

– Degenmen, kez kelgen qyzmetker sizdiń sybaılas jemqorlyqpen qandaı baǵytta kúres júrgizý kerektigin bile bermeıdi ǵoı.

– Sondyqtan da bizde qazir tıimdi kúres júrgizý úshin ádistemelik nusqaý­lyq jasalyp jatyr. Siz durys aıttyńyz, tergeýshi ıakı jedel qyzmetker qylmysty ashý barysyna tek óz oıymen, jeke túsinigimen kiri­sip ketpeýi kerek. Sybaılas jemqor­lyq­tyń, ekonomıkalyq qyl­mys­tyń túri kóp. Al bul jóninde bizde burynǵy qaralǵan ister boıynsha úıre­netin tájirıbeler bar­shy­lyq. Solardyń arasynan kúrdeli qyl­mys­tardyń ashylý joldaryn jıyp, bir arnaǵa túıip ter­geý­shige jol kórsetetin, ba­ǵyt-baǵdar bere­tin, tuıyqqa tirelgen sátte ne isteý ke­rek­tigin túsindiretin nusqaýlyq daıyndalýda. Máselen, salyqtyń jeti­s­peý­shiligi­men qalaı kúresýge bolady, sol sııaq­ty para berý, para alý, qyzmettik ýá­kilet­tikti asyra paıdalaný, jalǵandyqqa barý, jasyrý t.b. týraly ádistemelik nus­qaý­­lyq joq. О́ıtkeni, qazir zańdar da kóp, zaman talabyna saı jańa túsinikter de kóp. Oǵan sáıkes qylmystyń túrleri men maz­muny da ózgere túsýde. Demek, atalǵan nus­qaýlyq ja­ńadan kelgen mamandarǵa aı­ryq­sha kó­mek ekeni belgili.

– Qulaǵym tynysh bolý úshin sybaılas jemqorlyqty túp tamyrymen qur­typ jiberý kerek degenińiz júrekke jyly tıedi eken. Alaıda, jemqorlar us­tal­ǵanda, mine, meniń jegenim dep bar qara­ja­tyn nemese dúnıe-múlkin us­ta­ta ber­meı­tini anyq. Ol bar urlaǵan dúnıesin týma-týystarynyń atyna jaz­dyryp, záý­lim saraılar turǵyzyp, qos-qostan she­teldik qymbat kólikter aldyrtyp murtynan kúlip júre be­re­di. Ustalsa qutylady, kóp bolsa az-kem otyryp shy­ǵady. Sosyn ózgeniń atyna túsirgen orasan baılyǵyna malshynyp, rahattana qaı­ta tirligin bastaıdy. Sonda qyl­mys­kerdi sottap qana qoıǵannan el ne utady?

–­ Árıne, aıtyp otyrǵanyńyz shyn­dyq. Eger qylmyskerdiń jeke esebinde túk qarajat bolmasa, eshteńe isteı almaımyz. Biraq, jemqorlyq kórinisi baıqalǵan kezde-aq, eger tájirıbeli tergeýshi bolsa o basta jedel-izdestirý sharalaryn jú­r­gizý barysynda bárin tap basýǵa bolady dep oılaımyn. Máselen, kózge samaladaı jarqyrap kórinip turǵan kot­tedj­der­di, keń saraıdaı páterlerdi, qymbat kólikter, qundy dúnıe-múlikterdi qyl­mys­tyq qara­jat jolymen kelgendigi týraly aqparat tússe, anyqtaý qıyn emes. Osy dúnıe­ler­diń bárin ol týysqanynyń atyna jaz­ǵy­zyp qoıyp, sol úıde ózi turýy da nemese sol qymbat kólikti paıdalanyp júrýi de ábden múmkin. Endeshe, bul qyl­mys­tardy op-ońaı dáleldeýge bolady degen sóz. Al dáleldense, meıli kimniń atyna jazylsyn, túgin qaldyrmaı tárkileýge zań boıynsha jol ashylady. Mine, men joǵaryda bizdiń qyzmetker­leri­mizdiń bi­lik­ti, táji­rı­beli, asqan sheber bolýy ke­rektigi týraly aıtqanym sol. Olar kez kel­gen jem­qor­dyń jegen, biraq jasyryp úlgergen dúnıesin taýyp, dáleldep ásh­ke­re ete alatyndaı dárejede bolýy kerek.

Sonymen qatar kez kelgen kásiporyn­da­ǵy qylmysty asharda onda jumys is­teıtin adamdardyń jaǵdaıyn da oılaǵan durys. Áıtpese, onyń basshysy ekono­mı­ka­lyq qylmyspen ustalǵan eken dep kásip­orynnyń esep-shotyn múlde jaýyp tastaý, sol mekemedegi jumysshylardyń bárin aılyqtarynan qaǵý degen sóz. Má­sele álgi mekemede qandaı dárejedegi qyl­­mys jasaldy, sony anyqtap baryp sáıkes sheshim qabyldaý kerek. Eger ol kásiporyn salyǵyn tólep tursa, biraq tek bar másele bir ǵana basshyǵa qatysty bol­sa nelikten bas-kóz joq kele sala bári­ne toqtam salý qajet?

– Qaı salany almaıyq, ásirese, myna qurylys salasynda bıýdjet qara­ja­tyn jymqyryp, aqyr aıaǵynda qu­rylys ta joq, túk te joq taltańdap basyp júrgender kóp-aq. Sol bıýdjet qarajatyn jymqyryp jatqandarǵa qashan tosqaýyl qoıylady?

– Bul ózi rasynda dendegen kesel bolyp tur. Bıýdjet qarajatyn jeıtinder ózderi eshýaqytta ustalmaıtyndaı sezine­di. Qazir bizde qurylys salasyndaǵy bir istiń ter­geýi aıaqtalyp qaldy. Istiń qoz­ǵal­ǵanyna bir jyldan asqan. Biraq ázirge eshqandaı nátı­je joq. Mıllıardtaǵan qarajat qoldy bol­ǵan. Birneshe sheteldik eń qymbat kólik­ter satyp alynǵan. Sezik­ti shetelde taı­rań­daı basyp júr. Memleketke orasan zııan kel­gen. Endi isti qaıta qolǵa aldyq. Mun­daı adamdar az bolmaı tur. Olar eshýa­qyt­ta halyqtyń, eldiń qamyn oılamaıdy, tek ózderiniń jeke múddesin, qaltasyn toltyrýdy ǵana oılaıdy. Sondyqtan bizde buryn qaralyp, keıin belgisiz bir sebeptermen toqtap qal­ǵan bıýdjet qarajatyn sybaılasa jegenderge baılanysty isterdi qaıta qaramaq­pyz. Olardyń bárine jańa soqqy beri­letin kún alys emes.

– О́zińizdiń ıdealyńyz týraly aıt­sańyz.

– Meniń ıdealym Tóle bı, Qazybek jáne Áıteke bı. Olar qazirgiden qıyn kúr­meýi kóp kúrdeli isterdi sheshkeni aıan. Má­se­len jer daýy, jesir daýy kezinde olar qara qyldy qaq jaryp ádil sheshim shyǵar­dy jáne olardyń sol sheshimi halyqtyń bir­ligin nyǵaıta tústi. Babalarymyz, shynyn aıtý kerek, osy kúndi ań­sap ketken jan­­dar. Sondyqtan da qashan­da birlikti oı­laǵan. Biz sol úrdisten aýyt­qymaýymyz ke­rek. Qashanda ádildik pen shyndyqty jalaý etip ustap, alda júrýi­miz kerek. Napoleon jeńiliske ushyraǵan soń aıtqan eken, bizdiń jaýymyzdan je­ńilý sebebimiz, olar­dyń ko­man­dırleri so­ńym­nan erińder dep at­tan­da­sa, meniń sardarlarym alǵa dep qana aı­qaı­laǵan deıdi. Sondyqtan sybaılas jem­qor­lyqpen kú­res jolynda da biz tek alda júr­genimiz durys dep sanaımyn.

– Áńgimeńizge rahmet.

Áńgimelesken Aleksandr TASBOLATOV.