Memleket basshysy Qazaqstan halqyna úndeýinde kezekten tys saılaýǵa asa jaýapkershilikpen qaraıtynyn málimdedi.
«Joǵary bılik zańdy jáne beıbit jolmen aýysty. Búkil álem qoǵamdastyǵy osy oqıǵany túsinistikpen jáne qurmetpen qabyldady. Memleket basshysy retinde men ózimniń mindetimdi jáne jaýapkershiligimdi tereń sezinemin.
Qazaqstan – demokratııalyq memleket. Prezıdent halyqtyń tańdaýymen saılanady.
Men, Memleket basshysy retinde, saılaýdyń taza, ashyq ári ádil ótýine kepildik beremin! Bul – meniń berik ustanymym!
Aldymyzda zor mindetter tur. Men halqymyzǵa, ıaǵnı Sizderge senemin» dedi Qasym-Jomart Toqaev óz sózinde.