Dýlat Isabekov: Upaıymyz túgel, ultymyz tutas bolsyn

Bul sheshim búgingi tańda mańyzdy ári qajetti ekeni anyq. Biz ózgerisi qym-qýyt ári tym jyldam álemde ómir súrip jatyrmyz. Bul rette kez kelgen memlekettiń saıa­sı júıesiniń evolıýsııasy – zańdy prosess. Tranzıttik kezeń turaqtylyq pen qoǵamdyq kelisim kezeńine jalǵasady dep úmittenemin. Sáıkesinshe, saıa­sı partııalardyń jaqyn arada óz kandıdattaryn aıqyn­daıtynyna senimdimiz. Eń bastysy, Prezıdent ózi málimdegendeı, bul mańyzdy qadamǵa birden kele salǵan joq. Prezıdent Qasym-Jomart Toqaev Tuńǵysh Prezı­dent – Elbasy Nursultan Nazar­baevpen keńese otyryp, Par­lament palatalarynyń basshylarymen, Konstıtýsııalyq keńespen, saıası partııalardyń jetekshilerimen aqyldasa kele, bir sheshimge keldi. Halyqtyń kúpti kóńilin kútken ýaqytynda dóp basyp otyr. Saıası turaq­tylyq pen aıqyn baǵyt Prezı­dent ókilettiligi tolyq bolǵanda ǵana óz nátıjesin beredi. Sondaı-aq bul tarıhı mańyzdy kezeńde halyqtyń belsendiligin jaqsy jaǵynan kórip otyrmyz deýge bolady. Onyń ústine, bılikti tapsyrýda tranzıttik róldi atqarǵan Qasym-Jomart Toqaev halyqqa etene jaqyn ekenin kórsetti.  Alda ıntegrasııa ǵasyry. Qazaqstan tárizdi damý jolyna túsken eldiń tizgini halyqaralyq deńgeıde de, el aldynda da, ult aldynda da abyroıy bar tulǵada bolǵany durys.  Bizdiń basty baılyǵymyz – táýelsizdik pen beıbitshilik. Ishki turaqtylyq tolyq ornamaǵan jerde eshteńe de eselenbeıdi. Elimizdiń Ata Zańyna, ıaǵnı Kons­tıtýsııasyna sáıkes Qazaq­stan Respýblıkasy Prezı­denti­niń kezek­ten tys saı­laýyn 2019 jyl­dyń 9 maýsymynda ót­kizý týr­aly sheshimdi men osy qu­by­lys­tardy baıandy etý maq­satyn­da jasalǵan sheshim dep bilemin. Demokratııa árqashan damý prosesinde bolýy qajet. Son­dyqtan da tarıhı sát ádilettiliktiń saltanat qurýy saılaýdyń salmaǵyn arttyratyny sózsiz. Saılaýdaǵy basym sheshimderdiń kóbi – halyqtiki. Birinshi – biz belsendi túrde atsalysýymyz qajet. Ár azamat saılaýda daýys berý arqyly memlekettik bılikti qalyp­tas­tyrady. Sondaı-aq óziniń jáne ózinen keıingi óskeleń urpa­ǵynynyń múddesine sáıkes sheshim qabyldaıtynyn esten shyǵarmaǵany jón. О́tpeli kezeńniń ókpegi qatty bolady. Biz sol qysqa merzimde upaıymyz túgel, ultymyz tutas, urpaǵymyz aman bolǵanyn qalaımyz. Dýlat ISABEKOV,  jazýshy, Memlekettik syılyqtyń laýreaty