Darhan Myńbaı: Táýelsizdigimizdegi jaýapty kezeń

Qazaqta «jaqsylyqtyń tezi­rek bolǵany qaıyrly» degen sóz bar. Kezekten tys saılaý ótkizý týra­ly sheshim der kezinde jáne er­teń­gi kúndi búgin qamdaýdyń jar­qyn kórinisi dep oılaımyn. Qazir biz tarıhı kezeńdi bastan ót­kerip jatyrmyz. Bul saılaý – Táýel­sizdigimizdegi mańyzdy kezeń. О́ıtkeni elimizde bılik tran­zı­tin júzege asyrýdyń osyndaı qa­damy júrdi.  Saılaý qoǵamdy qaıta qurý emes, ony jaqsarta túsý, izgilen­dirý sııaqty  maqsatpen ótkiziledi. Búgingi qoǵamymyzdaǵy eń bas­ty másele – qoǵamymyzdaǵy tatýlyq pen kelisimdi qamtamasyz etý, so­nyń ishinde jekemenshikti bıznesti damytýǵa jaǵdaı jasaý. Saılaý­dyń merziminen buryn ótýi elimiz­diń áleýmettik-ekonomıkalyq damý jolynda alǵa qoıǵan maqsattaryn odan ári júzege asyrýǵa múmkindik bere­di.  О́ıtkeni bizge naqtylyq kerek. Saılaý bizge qoǵamda túrli áńgimeler men kúmándi oılarǵa jol bermeı, sheship alyp, ary qaraı Elbasymyz salyp ketken jolmen júrýge kómektesedi. Biz qazir jalpyǵa ortaq saılaý dáýirinde ómir súrip jatyrmyz desek bolady. Bul naqty aıtqanda mem­lekettiń demokratııalyq, pro­gressıvtik, quqyqtyq jolmen júrýiniń naqty kepili. Osyndaı jaýap­ty kezeńde saılaýǵa qaty­sý azamattardyń tek ózin-ózi qurmet­teýi ǵana emes, jalpy Qazaq­stan­nyń bolashaǵynyń, urpaq aldynda jaýapkershiligin kórsetedi.   Darhan MYŃBAI, Májilis depýtaty