Dóńgelek ústelge Nur-Sultan qalasy ákimdiginiń basshylyq quramy, Mádenıet jáne sport mınıstrliginiń Til saıasaty komıteti, Nur-Sultan qalalyq Prokýratýrasy, Ádilet departamenti, qalalyq kásipkerler palatasy, Baıqońyr, Almaty, Saryarqa, Esil aýdandarynyń ákimdigi, Sáýlet, qala qurylysy jáne jer qatynastary basqarmasy, Qoǵamdyq damý isteri basqarmasy, Investısııalar jáne kásipkerlikti damytý basqarmasy jáne memlekettik mekemeler men qoǵam qaıratkerleri, arnaıy shaqyrylǵan dáriskerler qatysty.
Is-shara tilderdi qoldaný salasyndaǵy zańnamanyń saqtalýyn qadaǵalaýǵa, zańnamany buzǵandardyń jaýapkershiligin kúsheıtýge, memlekettik tildi qoldanýdyń mártebesin ósirýge, syrtqy jarnama men kórneki aqparat mátinderinde kezdesetin qatelikterdiń aldyn alýǵa baǵyttalǵan.
Jıyn qorytyndysy boıynsha Nur-Sultan qalasynyń turǵyndary men qonaqtaryna úndeý jarııalandy. Onda «Til tazalyǵy – barshaǵa ortaq is» aksııasy aıasynda jarnamadaǵy qatelerdi túzeýge shahar turǵyndaryn atsalysýǵa shaqyrǵan.
«Jarnama – qoǵamnyń tynys-tirshiligi men shahardyń bet-beınesin qalyptastyratyn mańyzdy qural.
Osy oraıda, «Qazaqstan Respýblıkasyndaǵy til týraly» Qazaqstan Respýblıkasy Zańynyń 21-babyna sáıkes derektemeler men kórneki aqparat mátinderi memlekettik tilde (sol nemese joǵary jaǵyna, shrıftteri birdeı), odan keıin orys jáne qajet bolǵan jaǵdaıda ózge tilderde jazylady. Degenmen, búgingi tańda zańdy bilmeý, nemquraılylyq sııaqty sebepterden qaladaǵy syrtqy jarnama, kórneki aqparattarda til normalaryna qatysty talaptardyń saqtalmaýy jıi kezdesýde. Osy maqsatta, Nur-Sultan qalasynyń Tilderdi damytý jáne arhıv isi basqarmasy men Nur-Sultan qalasynyń kásipkerler palatasy «Til tazalyǵy – barshaǵa ortaq is» aksııasyn bastaıdy.
Barsha elordalyqtar men qala qonaqtaryn kóshedegi syrtqy (kórneki) jarnamada kezdesetin kez kelgen qatelikke beıjaı qaramaı, tikeleı jarnama ıesine habarlasyp, zań talaptary aıasynda oryn alǵan kemshilikterdi joıýǵa shaqyramyz. Tildiń mártebesi – eldiń mártebesi! Olaı bolsa, eldik máselede, tildiń mereıin asyrý jolynda belsendi bolaıyq» delingen úndeýde.
Osy aksııa aıasynda shahardyń kez kelgen turǵyny qate jarnamany tıisti mekemege jibere alady. Ol úshin jarnamanyń ornalasqan jerin, túsirilgen kúnin, tıisti fotosýretti tirkeı otyryp a.imangali@astana.kz elektrondy mekenjaıyna nemese Facebook jelisindegi «Til basqarmasy» akkaýntyna joldaýy kerek.