О́tken táýlikte respýblıka aýmaǵynda turǵyn úılerdi, aýla aýmaqtaryn sý basý, respýblıkalyq mańyzy bar avtomobıl joly arqyly sý júrý tirkelgen joq.
Aqmola oblysy boıynsha.
Astrahan aýdanynda Kolýton ózenindegi sý deńgeıi 3,77 m-den 3,62 m-ge deıin tómendedi (synı 3,48 m). Staryı Kolýton aýylynda sý astynda qalǵan 8 aýla mańynan sý ketti (715 adam, 240 úı). Turǵyn úıler kireberisterinde qaptan jasalǵan barerler salynǵan.
Oblystyq TJD men Appattar medısınasy ortalyǵynan 6 adam, 2 birlik tehnıka, 1 júzý quraly jumyldyryldy.
Selınograd aýdanynda sorǵy stansııasyna sý alýdy júzege asyratyn Nura ózeniniń tógilýiniń saldarynan 14 uńǵymany (jańa, paıdalanýǵa qabyldanbaǵan) sý basý baqylaýda (Qosshy aýylyndaǵy «Qosshyqkommýnaldyq qyzmeti» ShJQ MKK teńgeriminde turady) (sý deńgeıi 1 metrge jýyq).
Qarajar aýylynda Nura ózeninen salynyp jatqan 15 turǵyn emes úılerdi (barlyǵy 5000 adam, 650 úı) sý basý qaýpi saqtalýda. Turǵyn úılerdi qorǵaý úshin uzyndyǵy 1 500 metr jáne bıiktigi 1-1,5 m úıindi val bar, Qosymsha uzyndyǵy 465 m jáne bıiktigi 1-1,5 m úıindi val turǵyzylady, 800 qap tóseldi.
Jergilikti atqarýshy organdarynyń TJD kúshteri men quraldarynan: 57 adam, 11 birlik tehnıka, 2 birlik júzý quraly jumyldyryldy.
Atbasar aýdanynda Atbasar q. Jabaı ózenindegi sý deńgeıi 2,85 m-den 2,30 m-ge deıin tómendedi (synı - 3,45 m). О́zen arnasynyń boıynda monıtorıng júrgizilýde.
Shyǵys Qazaqstan oblysy boıynsha
Besqaraǵaı aýdanynyń Besqaraǵaı aýylynda 3 jeke turǵyn úı jáne 29 aýla aýmaǵy sý astynda qalyp otyr. 467 myń tekshe metr sý soryp shyǵaryldy. Jergilikti atqarýshy organdardyń, TJ departamentteriniń jáne polısııanyń kúshteri men quraldarynan 18 adam, 4 birlik tehnıka jumyldyryldy.
Sý tasqyny kezeńiniń basynan bastap (15 naýryz – 12 sáýir aralyǵynda) respýblıka boıynsha avarııalyq-qutqarý jáne kezek kúttirmeıtin jumystardy júrgizýge (Aqmola, Qaraǵandy oblystary, SQO, ShQO) TJD, jergilikti polısııa qyzmetinen, jergilikti atqarýshy organdardan, tartylǵan uıymdardan 754 adam, 215 birlik tehnıka, 37 motopompa jáne 14 júzý quraly jumyldyryldy.
Sonymen qatar respýblıka boıynsha (Aqmola, Qaraǵandy oblystary, SQO, ShQO) qaýipti ýchaskelerde qosymsha 9 myńnan astam metr ýaqytsha bógetter salyndy, 65 myń dana ınertti materıaly bar qaptar jınalyp, salyndy, 1,6 mln.m3 tarta sý soryldy.