Ne ózi jaratpaıdy, ne ózgege qımaıdy

Ne ózi jaratpaıdy, ne ózgege qımaıdy Beısenbi, 13 qyrkúıek 2012 7:15

Qazir bylaı qaraǵanda, egin egi­letin, mal jaıylatyn jer jetkilikti-aq kórinedi. Alaıda paıdalanýǵa kelgende bos jer joqtyǵy aldan shyǵa keletini bar. Aıaq astynan qojaıyny tabyla ke­tedi, alystaǵy bireýdiń menshi­ginde ekeni eskertilip, mań­aıyna jolatylmaıdy. Bir­ne­she jyl boıy jýsan boılap, aramshóp qaýlap jatqanyna qa­rap ıesiz bolar dep boljanady ǵoı. Áıt­pese jaıdan-jaı juǵy­sýǵa kim shataq izder deısiz.

Beısenbi, 13 qyrkúıek 2012 7:15

Qazir bylaı qaraǵanda, egin egi­letin, mal jaıylatyn jer jetkilikti-aq kórinedi. Alaıda paıdalanýǵa kelgende bos jer joqtyǵy aldan shyǵa keletini bar. Aıaq astynan qojaıyny tabyla ke­tedi, alystaǵy bireýdiń menshi­ginde ekeni eskertilip, mań­aıyna jolatylmaıdy. Bir­ne­she jyl boıy jýsan boılap, aramshóp qaýlap jatqanyna qa­rap ıesiz bolar dep boljanady ǵoı. Áıt­pese jaıdan-jaı juǵy­sýǵa kim shataq izder deısiz.

El ishi tirliginiń tiregi mal bolǵan soń kósilgen shabyndyq kerek, jaıqalǵan jaıylym qa­jet. Keıingi kezde tuıaq qarasy ulǵaıǵan saıyn jan-jaqqa kóz súzýshiler kóp. Shirkin, anaý tóskeıge, myna oıpańǵa túli­gim­di óristetsem degen oı keler emes pe árkimge. Máselen, Qara­ǵandy aımaǵy aýyldarynyń ár­qaı­sysynan kem degende 1 myń­nan sıyr, 2 myńnan qoı, 500-den jylqy óredi. Alaıda baǵa­tyn jaıylym jyldan-jylǵa ta­rylyp barady. Ásirese, egini men kókónis alqaby irgesine deıin tirelgen mekender maldary árige attap basa almaıdy. Qo­ra janynan uzarlyq bos jer qalmaǵan. Mysal úshin, Nura aý­da­nyndaǵy Prjeval selosy mal ıeleriniń osyndaı qıyn­dyq­qa ushyra­ǵa­nyna birneshe jyl. Arnaıy óris bóliný, jaratylmaı jatqan jer­lerdi qaı­tarý jóninde aýdandyq ákimdik mazalanyp baqqanymen qashan qulaq asylary belgisiz áli. Bul óńirdegi Qaraoı aýylynda da osyn­­daı jaǵdaı. Aınalasyn adam boıymen birdeı jýsan basyp ketken atyrap malǵa da ju­ǵymsyz, eginge de zalaldy. Jýsan ıisi sińgen bıdaı ótimsiz bolyp jatady.Osylaısha eshkimge paıdasy tımeı, eshkimge qıylmaı, jurt­tyń ıgiligine jaratylmaı jat­qan jerler kólemi basqa aımaq­tarda da az emestigi baıqalyp júr. Bulaı bola berýi endi ja­ras­paıtyndyǵyn aıtýdyń ar­tyq­tyǵy joq sııaqty. Bul rette jerdi túgendeý sharasynan úl­ken qozǵaý kútiledi desek, sony este ustaǵan jón-aý. Túgendel­sin, baqylaýǵa qoıylsyn, kádege asy­rylmasa qaıtarylsyn, yryz­­dyǵyna mal-jan kenelýin ti­leı­di kópshilik. Aıqyn NESIPBAI,«Egemen Qazaqstan».Qaraǵandy.