Májilis depýtattary Ujymdyq qaýipsizdik týraly shart uıymy (UQShU) kelisimderine engiziletin hattamany ratıfıkasııalady. Qujat uıymǵa múshe memleketterdiń aýmaǵynda áskerı quramalardyń ýaqytsha bolý tetikterin jeńildetýge baǵyttalǵan. Sondaı-aq ol jeke quramdy, áskerı tehnıkany jáne áskerı múlikti uıym elderiniń shekaralary arqyly ótkizý rásimderin jedeldetýdi kózdeıdi, dep habarlaıdy Egemen.kz.
Hattamaǵa 2024 jylǵy 28 qarashada Qazaqstan, Belarýs, Qyrǵyzstan, Reseı jáne Tájikstan memleketteriniń basshylary qol qoıǵan. Qujat UQShU-nyń ujymdyq qaýipsizdik kúshteri men quraldarynyń qyzmetin retteıtin qoldanystaǵy kelisimderge ózgerister engizedi.
Erejelerdi jańartý qajettiligi qatysýshy memleketterdiń yqtımal daǵdarystyq jaǵdaılarǵa jedel áreket etý úshin quqyqtyq tetikterdi aldyn ala daıyndaýǵa umtylýymen túsindiriledi. Mundaı jaǵdaılarda áskerı bólimshelerdi qysqa merzimde ornalastyrý, tehnıkany tasymaldaý jáne uıymǵa múshe elderdiń biriniń aýmaǵynda birlesken is-qımyldardy uıymdastyrý qajet bolýy múmkin.
Hattamanyń negizgi erejeleri týraly depýtat Ashat Raqymjanov baıandady. Onyń aıtýynsha, ózgerister memleketterdiń áskerı saladaǵy ózara is-qımyl tártibin aıqyndaıtyn eki negizgi qujatqa qatysty.
Erlan Qoshanov UQShU Parlament ókilderine jańa Konstıtýsııanyń negizgi erejelerin tanystyrdy
«Birinshi qujat – 2010 jylǵy ujymdyq qaýipsizdik júıesiniń kúshteri men quraldary quramalarynyń mártebesi týraly kelisimge ózgerister engizý jónindegi hattama. Onyń maqsaty – bıýrokratııalyq olqylyqtardy joıý jáne áskerı quramalardyń ýaqytsha bolýy men olardy basqarý tártibin naqty retteý», dedi depýtat.
Bul odaqtas memleketterdiń aýmaǵynda áskerı bólimderdi ornalastyrý máselelerin neǵurlym egjeı-tegjeıli retteýdi, sondaı-aq mundaı quramalardy óz elinen tys jerde basqarý tártibi men ókilettikterdi bólýdi kózdeıdi.
Ekinshi qujat – UQShU memleketteriniń aýmaqtary arqyly áskerı qyzmetshilerdi, qarý-jaraqty, tehnıkany, áskerı múlik pen áskerı maqsattaǵy ónimderdi tasymaldaý tártibine qatysty. О́zgerister kúshine engennen keıin kelisý rásimderi jeńildep, olardy ótkizýge ketetin ýaqyt qysqarady dep josparlanyp otyr.
Memleket basshysy UQShU Bas hatshysy Taalatbek Masadykovty qabyldady
Osylaısha, uıymǵa múshe memleketter qaýipsizdik salasyndaǵy birlesken is-sharalardy ótkizý kezinde, sonyń ishinde tótenshe jaǵdaılar nemese basqa da syn-qaterler týyndaǵan kezde kúshter men quraldardy jedel ornalastyrý barysynda áreket etý tıimdiligin arttyryp, ákimshilik kedergilerdi azaıtýdy kózdeıdi.