Beısenbi, 10 mamyr 2012 6:42
Almatyda Qazaqstan Respýblıkasy Prezıdentiniń kýbogy úshin bokstan eresekter arasynda ótken dúbirli doda aıaqtaldy. On salmaqtyń jeteýinde qanjyǵaǵa altyn baılaǵan bizdiń jigitter jaqsy kórsetkishpen alǵa ozdy.
Eki jylda bir ret ótetin bul halyqaralyq týrnır buǵan deıin 2006, 2010 jyldary Astana qalasynda uıymdastyrylǵan edi. Bul jolǵy jekpe-jekterdiń basty ereksheligi, London Olımpıadasy qarsańynda uıymdastyrylýy bolyp otyr. Baıraqty básekege Qazaqstan quramasy men Almaty qalasy jeke komandamen qatysty. Alty kún boıy Balýan Sholaq atyndaǵy sport saraıyn keremet jekpe-jektermen dýmandy etken halyqaralyq jarystyń jeńimpazdary da anyqtaldy.
Beısenbi, 10 mamyr 2012 6:42
Almatyda Qazaqstan Respýblıkasy Prezıdentiniń kýbogy úshin bokstan eresekter arasynda ótken dúbirli doda aıaqtaldy. On salmaqtyń jeteýinde qanjyǵaǵa altyn baılaǵan bizdiń jigitter jaqsy kórsetkishpen alǵa ozdy.
Eki jylda bir ret ótetin bul halyqaralyq týrnır buǵan deıin 2006, 2010 jyldary Astana qalasynda uıymdastyrylǵan edi. Bul jolǵy jekpe-jekterdiń basty ereksheligi, London Olımpıadasy qarsańynda uıymdastyrylýy bolyp otyr. Baıraqty básekege Qazaqstan quramasy men Almaty qalasy jeke komandamen qatysty. Alty kún boıy Balýan Sholaq atyndaǵy sport saraıyn keremet jekpe-jektermen dýmandy etken halyqaralyq jarystyń jeńimpazdary da anyqtaldy.
Bizdiń boksshylar 10 salmaq boıynsha kúsh synasyp, onyń jeteýinde altyn alqaǵa ıe bolsa, qalǵan júldelerdi Kýba men Sırııa sportshylary bólisti. Bizdiń oıymyzsha, Prezıdent kýbogyn sarapqa salǵan osy saıys Olımpıada qarsańynda óte sátimen uıymdastyrylyp otyr. Kúni erteń tórtjyldyqtyń basty básekesinde kýbalyqtarmen qolǵap túıistiretinimiz taǵy da anyq jáıt. Iаǵnı, Bostandyq araly boksshylarynyń qarym-qabiletin taǵy bir baıqap kórýge taptyrmaıtyn múmkindikke ıe boldy bizdiń sportshylar. Básekege on el qatysqanymen, Ýkraına men Reseı qosalqy quramyn jibergen soń, basty nazarymyz Kýba boksshylarynda bolǵanyn jasyrmaımyz. Áýelden qarakóz qazaq balasyna qara tústi qarsylastyń sharshy alańdaǵy naǵyz básekeleske aınalǵany ras.
Jarystyń sońǵy kúni, fınaldyq kezdesýdiń shymyldyǵyn 49 kılo salmaqtaǵy Kýba boksshysy Iosvanııa Veıtıa men úndistandyq Devendro Sınghtyń arasyndaǵy jekpe-jek ashyp, 4:4 esebimen teń túsken eki jas periniń arasynda kýbalyqtyń baǵy jandy. Upaı sanymen Iosvanııa Veıtıa jeńimpazdar tuǵyryna kóterildi. Aıta ketý kerek, úndi Sıngh óziniń bolashaǵy jarqyn boksshy bolýǵa laıyq ekendigin ábden dáleldep úlgerdi bul týrnırde.
52 kılo salmaqtaǵy qos qazaqstandyq boksshy Ilııas Súleımenov pen Mıras Jaqypovtyń arasyndaǵy kezdesý de meılinshe tartysty ótken oıyn boldy. Jartylaı fınalda Kýba boksshysyn qýalap júrip sabaǵan Mıras fınalda eki raýnd boıy Ilııastan soqqy jedi. Tek sheshýshi raýndta ǵana tynysy ashylǵandaı bolǵanymen, aldyńǵy oıyn esebi boıynsha Súleımenov jeńisti oljalap ketti.
56 kılo salmaqtaǵy Qanat Ábýtálipov – Lazaro Alvares Estrado arasyndaǵy kezdesý jankúıer bitkenniń delebesin qozdyryp, namysty janyǵan naǵyz maıdan boldy. Bakýde ótken álem chempıonatynyń altyn júldegeri Lazaro Alvares Estradony á degende Ábýtálipov qarsha boraǵan soqqynyń astyna aldy. Sóıtip, birinshi raýndta Qanat 7:3 esebimen alǵa shyqty. Alaıda, sońǵy eki raýndta Estrado es jıyp, bizdiń jigitte ketken esesin eńsere qaıtarǵany ras. Elektrondy taqtadaǵy upaı sany 17:17 bolǵan kezde bárimiz jeńisti kýbalyq sheberge berip qoıǵandaı edik. Biraq kompıýterdiń esepteýi boıynsha Qanat jumsaǵan dál soqqylary boıynsha alǵa shyǵyp, jeńiske jetti. Bul sheshimge rıza bolmaǵandaı Estrado da suq saýsaǵyn aspanǵa kezep, basyn shaıqaı berdi.
60 kılo salmaqta Ǵanı Jaılaýov pen Iаsnıer Toledo Lopes kezdesti. Bul joly da bizdiń Jaılaýov Lopesten 8:12 esebimen jeńilip qaldy. Bakýdegi jeńilis óz aldyna, týǵan jerdiń topyraǵyn basyp turyp jeńilistiń ashy dámin tatý qıyn boldy bizdiń jas boksshyǵa. Kelesi 64 kılo salmaqta taǵy da qos jerlesimiz Áset Qasymov pen Almazbek Álibekov kúsh synasty. Alǵashqy raýndta kóp terlemeı-aq alǵa ozǵan Almazbekti sońǵy raýndtarda Áset aıqyn basymdyqpen utty. Esep – 10:7.
Ulttyq quramanyń kapıtany, eki dúrkin álem chempıony, álem chempıonatynyń kúmis jáne qola júldegeri Serik Sápıev óziniń 69 kılo salmaqta dara boksshy ekendigin taǵy bir dáleldedi. Qarsylasy Baqytjan Qojabekovti úsh raýnd boıy es jıdyrmaı, 16:5 esebimen jeńip, taǵy da el aldynda mereıin asyrdy.
75 kılo salmaqta Olımpıadaǵa joldama alǵan Danabek Sýjanov pen Nurdáýlet Jarmanov kezdesti. Danabekten dene bitimi iri Nurdáýlet alǵashqy aınalymda úsh upaı aıyrmasymen alǵa shyqqan. Ekinshi raýndta esep teńestirgen Danabek sońǵy raýndta jeńiske jetý úshin kóp ter tókkeni anyq baıqaldy. 12:9 esebimen jeńgen Sýjanovtan alda da úmitimiz zor.
Ádilbek Nııazymbetov pen Hýlıo Lakrýz arasyndaǵy jekpe-jek 81 kılo salmaqtaǵy kezdesýlerdiń ishindegi eń bir tartysty ótkeni boldy desek, áste qatelespeımiz. Alǵashqy eki raýndta upaı sanymen alǵa ozǵan Ádilbek sońǵy raýndta biraz soqqynyń astynda qalǵandaı bolyp edi, alaıda qorǵanysta turyp-aq dittegen jerin dál kózdegen eken. 16:10 esebimen taza jeńiske jetti.
91 kılo boıynsha sharshy alańǵa shyqqan Mohammed Gassoýn men Arbek Ábdiǵanıevtiń arasyndaǵy kezdesý Sırııa boksshysynyń esebine jazyldy. Úlken rıngterde pisip-jetilmegen Arbek úshin bul da sabaq. Fınaldyń eń qyzyq ta sheshýshi aıqasy qos alyp Ivan Dychko men Erıslandı Savon arasyndaǵy kezdesý boldy. 91 kılodan joǵary salmaqtaǵy eki dáý birin biri sulatyp salmasa da, kóp ańdysyp júrip soqqy jumsaǵandarynyń ózi kórer kózge bir qyzyq.
Úshinshi márte ótkizilip otyrǵan Prezıdent kýbogyna núkte qoıǵan bul jekpe-jekte Ivan Dychkonyń baby da, baǵy da ozdy. Jeti altynǵa ıe bolǵan bizdiń boksshylarymyz qazaq boks mektebiniń abyroıyn saqtap qaldy.
Qanat ESKENDIR,
«Egemen Qazaqstan».
ALMATY.