SENIM SALMAǴYN SEZINEMIZ

Men stýdentpin. Endi birneshe aıdan soń qolyma Eýrazııa Ulttyq ýnıversıtetiniń dıplomyn alyp, elimizdi órkendetý jolyndaǵy qyzý eńbekke bilek sybana aralasyp, halqymyz artqan senimniń údesinen shyǵamyn degen úmitim bar. Irgeli bilim ordasynda dáris alýmen birge, Elbasymyz Nursultan Nazarbaev­tyń jyl saıynǵy Qazaqstan hal­qy­na joldaýlaryn tyńdap, zerde­leýge tyrysamyn. Tarıhty bylaı qoıǵanda, táýelsizdik týyn tigip, eńsemizdi tiktegen az ǵana ýaqyttyń ishinde ańyzǵa bergisiz erlikter ja­sa­ǵan halqymyz ózgelerge eldiktiń ozyq úlgisin kórsetip keledi.Osy oraıda el Prezıdentiniń bolashaqqa baǵdar beretin jyl saıynǵy jol­daýy­nyń ornyn erekshe atap kór­setken jón. Elbasy jol­daý­larynan elimiz qol jetkizgen je­­tistikterge qanyǵamyz. Maq­ta­ný­ǵa, masattanýǵa laıyq dúnıeler, bir­aq qol jetkenge mastaný – toqyraýǵa ákeletinin umytpaýymyz qajet. Bul – ár joldaýdyń logıkalyq oı jelisi sekildi, onda el jurtshylyǵy asyǵa kútetin jaqsylyq habarlar, erteńgi kúnniń jumys jospary ja­rııa etiledi. Memleketimizdiń álem­dik qaýymdastyq aldyndaǵy bede­li­niń ósýin, bolashaǵymyzdyń jar­qyn bolýyn kózdeıtin tutas bir ke­shendi sharalar kórsetiledi. Elbasy júrgizgen sarabdal saıa­sat­tyń arqasynda kóptegen mem­leketter ekonomıkasynyń irgesin shaıqap ótken álemdik qarjylyq daǵ­darystyń salqynyn sezinbeı, tolyqqandy ındýstrııalyq damýǵa aıaq baspaqpyz. “Bıznestiń 2020 jyl­ǵa deıingi jol kartasy” da – ta­bysty iske asyrylǵan “Jol kar­ta­sy” baǵdarlamasynyń utymdy jal­ǵasy ispettes bolaryna senimimiz mol. Sonymen de birge, Elbasy­myz­dyń jastarǵa artqan seniminiń sal­maǵyn sezine otyryp, memleketi­miz­diń mereıi ústem, mártebesi bıik bolýy úshin  aıanbaı eńbek etemiz desem, eljandy jastardyń sózimdi qýattaıtyndyǵyna senemin. “Balam deıtin el bolmasa, elim deıtin ul tý­mas”, – degen ǵoı. Endeshe, qa­zir­gi kezde jas mamandardy qoldaý­ǵa baılanysty aýqymdy sharalar júrgizilse, keshegi Joldaýda sáýir aıynan bastap stýdenttik aqynyń 25 paıyzǵa ósetindigi aıtyldy. Jas býynǵa jasalǵan qoldaý men qam­qorlyq úshin sheksiz alǵysymyzdy bildirip, el Prezıdenti Nursultan Ábishulyna barsha Qazaqstan jastarynyń atynan memleketimiz júrgizip otyrǵan saıasatty qoldaı­tyndyǵymyzdy jetkizgim keledi. Saltanat QÝANYShBAEVA, EUÝ stýdenti. Astana.