«Mýzeı 1930 jyldan bastap 2018 jylǵa deıingi atqarylǵan qyzmetterdi qorytyndylaý, medısına salasynyń qanshalyqty damyǵandyǵyn kórsetý maqsatynda ashylyp otyr. Ekspozısııaǵa negizinen bizdiń qyzmetimizdiń qalyptasý tarıhynan syr shertetin túpnusqa qujattar, quraldar men tarıhı fotosýretter qoıylǵan. Alǵashqy medısınalyq kómek kórsetýge arnalǵan medısınalyq qural-jabdyqtar, bizdiń qyzmetkerlerimizdiń ár túrli jyldardaǵy formasy usynyldy», – deıdi uıymdastyrý-ádistemelik bóliminiń bastyǵy Edil Shalov.
Munda barlyǵy 50-den astam eksponat qoıylǵan. Olardyń bir bóligi osy ýaqytqa deıin qalalyq qosalqy stansııalarda saqtalǵan bolatyn. Bir bóligin óńirlerden áriptester usyndy.
«Olardy kez kelgen adam kóre alady, ıaǵnı bul tek bizdiń qyzmetimiz ben áriptesterimiz úshin ǵana emes. Bul mektep oqýshylary, bizdiń qyzmettiń ardagerleri jáne qala turǵyndaryna da arnalǵan. Kolleksııa tolyqtyrylady. Bizdiń qyzmetimizdiń tarıhymen baılanysty qyzyqty jáne qundy zattardy kez kelgen adam óz qalaýymen bizge tapsyra alady», – dep túıindedi ol.