Túmende «Rýbınmen» bolǵan kezdesýdiń aldynda «Saryarqa» jalpy esepte 3:1 esebimen alda turǵan bolatyn.
Qonaqtar esepti jyldam ashty. Artýr Sarvarovtyń soqqan shaıbasy nysanaǵa dóp tıgen bolatyn. Matchtyń alǵashqy 20 mınýttyń bóliginde aıdyn ıeleri Anton Rehtınniń kúshimen jaýap gol soqty.
Ekinshi kezeńde «Saryarqanyń» oıynshysy Emıl Nurǵalıev komandasyn alǵa shyǵardy. Odan keıin matchtyń 43-mınýtynda qaraǵandylyqtar esepti eseledi. Goldyń avtory – Oleg Lomako. Al oıynnyń sońǵy sekýndtarynda qaqpashysyn altynshy oıynshyǵa aıyrbastaǵan «Rýbınniń» bos qaqpasyna tórtinshi shaıbany jerles hokkeıshi Maksım Kısyn soqty.
Shaıbalar: 0:1 – 04:51 Sarvarov (Ibatýllın, Lomako);
1:1 – 17:36 Rehtın (Fast);
1:2 – 21:58 Nurǵalıev (Rıashensev, Jeleznov);
1:3 – 43:04 Lomako (Sıksna, Zıazov);
1:4 – 59:19 Kısyn (Zıazov).
Aıta ketý kerek, «Saryarqanyń» bapkeri Leonıd Tambıev eki jyl qatarynan Petrov kýbogynyń jeńimpazy bolyp otyr. Byltyr aqjoltaı jattyqtyrýshy Sankt-Peterbýrgtiń «Dınamosymen» birge kýbokty kókke kótergen bolatyn.