Oblys óńirindegi 158 aýylda mektep joq, ondaı aýyldarda 1412 bala turady. Olardy kórshi aýyldardaǵy mektepterge kún saıyn , keıbir aýyldarda apta saıyn avtobýspen tasıdy.
«Elbasy tapsyrmasyna oraı oblysta osy máseleni sheshý maqsatynda jumys júrip jatyr. Memlekettik normatıvterge sáıkes kelmeıtin mektepter máselesin sheshý týraly 2019-2021 jyldarǵa arnalǵan jumys jospary jasalyp, bıýdjetten bólingen 107,1 mıllıon teńgege 7 avtobýs satyp alyndy. Munyń syrtynda Qarsaý aýdanynda ınvestorlar kómegimen eki avtobýs alyndy» dedi Oblystyq bilim berý basqarmasynyń basshysy Vasılıı Symbalıýk.
Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý: tájerıbe, basymdyqtar men mindetter» atty Qazaqstan halqyna Joldaýy aıasynda oblystyń bilim berý sapasyn damytý» atty keńeıtilgen alqa májilisinde munan da basqa salanyń ózekti máseleleleri ortaǵa salyndy. Solardyń biri mektep qazandyqtarynyń jaǵdaıy bolyp tabylady. 2017 jyldan beri mektepke japsarlas salynǵan 148 mekteptiń qazandyǵy anyqtalǵan. Olar balalardyń ómiri men densaýlyǵyna qaýip tóndredi. Búginge deıin tek 18 mekteptiń qazandyǵy durystaldy.