Aqtóbe qalasynyń №2 HQObóliminiń basshysy Ashat Orazbaevtyń aıtýynsha, 3 jyl ishinde aımaq turǵyndaryna 4,6mlnastam memlekettik qyzmet kórsetildi, onyń ishinde 2 mln jýyq memlekettik qyzmetti HQO-ǵa kelgen azamattar "Connection point" ózine-ózi qyzmet kórsetý sektorlary arqyly alǵan.Jalpy óńir turǵyndary 744 260 myńnan astam ESQ rásimdegen. Sondaı-aq, osy kezeń aralyǵynda 10 myńnan astam memlekettik qyzmet azamattardyń úıine baryp kórsetilgen. «Búgingi tańda reestrde 752 memlekettik qyzmettiń 621-imemlekettik korporasııa arqyly kórsetiledi, al 506 qyzmetti elektrondyq úkimet portaly arqyly alýǵa bolady. Kez kelgen adam elektrondyq qyzmetterdi óz úıinen nemese Connection Point sektorlarynan óz betinshe ala alady», dep tolyqtyrdy ol.
Memlekettik korporasııa, sondaı-aq jer ýchaskeleriniń shekarasyn belgileý, eldimekenderdiń shekarasyn (shegin) ózgertý jobalaryn ázirleý sııaqty memlekettik jer kadastryn júrgizýge baılanysty jumystardy atqarady. Jer kadastry basqarmasynyń basshysy Bekzat Orazalınniń aıtýynsha, fılıal qyzmetkerleri 3 jyl ishinde 1 009 gektardan astam jerge zertteýler júrgizip, kartalardyń elektrondyq nusqasyn jasady.
Sonymen qatar fılıaldyń zeınetaqy men járdemaqylardy qaıta esepteý jónindegi áleýmettik blogy 88 296 myńnan astam zeınetkerlerge bazalyq zeınetaqy tólemderin qaıta esepteý júrgizdi.
О́ńirde 2015 jyldyń jeltoqsanynda ashylǵan mamandandyrylǵan HQO arqyly 235 myńnan astam avtokólik tirkelip, 68 myńnan astam júrgizýshi kýáligi berildi.
Aıta ketý kerek, «Sıfrlyq Qazaqstan» memlekettik baǵdarlamasyn júzege asyrý maqsatynda 2018 jyly Memlekettik korporasııa kólikti tirkeý jáne júrgizýshi kýálikterin aýystyrý boıynsha onlaın servısterdi iske qosty, qyzmet egov.kz portaly arqyly qoljetimdi.«Bıylǵy jyldyń birinshi toqsanynda 1262-den astam aqtóbelik júrgizýshi kýáligine tapsyrysty onlaın bergen. Jańa tehnologııalar zamany, HQO-ǵa kelmeı-aq birqatar memlekettik qyzmetti alýǵa múmkindik beredi»,deıdi fılıal dırektorynyń orynbasary Izbasar Orynbasarov.
Kólikti Onlaın tirkeý – avtokólikti arnaıy HQO-ǵa barmaı rásimdeýge múmkindik beredi. Portalda qyzmetti paıdalaný úshin satýshy men avtokólikti satyp alýshyda ESQ bolýy tıis. Júıe aıyppuldardyń, salyqtyq bereshekterdiń jáne tehnıkalyq baıqaýdyń bolýyn avtomatty túrde tekseredi.
Jalpy 3 jyl ishinde "Azamattarǵa arnalǵan úkimet" memlekettik korporasııasy úshinshi tulǵalardyń «Paper free»arqyly elektrondyq anyqtamalardy suratý servısterin engizdi. Sonymen qatar 2018 jyldyń 21 mamyrynan bastap EgovKzBot Telegram boty iske qosyldy.
Qazirgi tańda Aqtóbe oblystyq fılıalynda 18 front-keńse, mamandandyrylǵan HQO, kóshi-qon qyzmetteri jáne sıfrlyq qyzmetter ortalyǵy jumys isteıdi. Sondaı-aq halyqty zeınetaqy jáne járdemaqy tólemderimen qamtamasyz etý boıynsha fılıalda 2 qalalyq, 12 aýdandyq bólim qyzmet etedi.