Sondaı batyr tóbetterdiń biri – Zıýıt. Ol kúni keshe ǵana polısııa qyzmetkeri A.О́mirzaqovqa Qostanaı qalasyndaǵy Chaıkına kóshesinde 1615, 94 gramm kóleminde geroıny bar kúdiktini ustaýǵa kómektesti.
Jalpy, 2002 jyldan beri Qostanaı oblystyq Polısııa departamentine qarasty Kınologııa ortalyǵy jemisti jumys istep keledi. Ázir ortalyqta tórt aıaqty 27 «tártip saqshysy» bar. Kınologııa qyzmetiniń ınspektory, aǵa leıtenant Sergeı Gaponovtyń aıtýynsha, oblysta mundaı mańyzdy qyzmette 73 ıt júr.
- Kúshik kezinde Almatydan ákelemiz, sosyn bizdiń áskerıler ózderi baptaıdy. Árbir sarbazǵa 2 ıtten bekitilgen. Nemis tuqymy, labrodor sııaqty iz kesýge qabiletti janýarlardy alamyz. Árqaısysynyń kútimi ár túrli. Bir ıt kúnine shamamen 400 gramm et, 700 gramm jarma jeıdi. Sáıkesinshe, olardyń qyzmetteri san qıly, óıtkeni, bir ıt birneshe tapsyrmany oryndaı almaıdy. Sondyqtan, olar iz kesýshi, esirtki izdeýshi, jarylǵysh zattar izdeýshi, shabýyldaýshy ıtter bolyp bólinedi, - deıdi tájirıbeli maman.
Aqyldy janýarlardyń jetistigi jaıly aıta berýge ábden bolady, biraq el aýzynda júrgen erlikteriniń biri mynadaı. 2014 jyly oblys ortalyǵyndaǵy áıgili «Lıýbımaıa Eva» dúkenine qarýlanǵan qaraqshylar basyp kirip, aqsha áketken bolatyn. Iisshil ıtterdiń kómegimen tártip saqshylary qylmyskerlerdi dereý qolǵa túsirdi. Kınologııa ortalyǵyndaǵy ıtter qyzmetteri úshin kótermelenip te otyrady. Atap aıtsaq, Reks atty tóbet Sadovyı aýylyndaǵy qarý urlyǵyn ashýǵa kómekteskeni úshin sondaı qurmetke ıe bolǵan. Iisshil ıtter, ásirese, nashaqorlarmen kúreste kóp paıdasyn tıgizip keledi.
Sonymen qatar aýyr qylmystardy da ashýǵa kınolog mamandardyń kómegi qajet ekendigin aıta ketken jón.