Sońǵy 7 jylda adam kapıtalyna salynatyn ınvestısııalardyń kólemi ósti. Ǵylym men bilimge salynǵan qarajat 5 ese artsa, densaýlyq saqtaý salasyna salynǵan qarajat kólemi 4 esege jýyq kóbeıgen. Arnaıy nazar jas urpaqqa aýdarylyp otyr, dep jazady Egemen.kz.
«Ulttyq qor – balalarǵa» baǵdarlamasy aıasynda, Prezıdenttiń bastamasymen, sońǵy 3 jylda 7 mln jas qazaqstandyqtyń shotyna 2,5 mlrd dollardan astam qarajat aýdaryldy. Sonymen qatar, 2030 jylǵa deıingi «Qazaqstan balalary» birtutas baǵdarlamasy bekitildi. Bul baǵdarlamada balalardyń quqyqtary men ál-aýqatyn qorǵaýǵa baǵyttalǵan barlyq sharalar biriktirilgen.
«Memleket basshysy belgilegen basym baǵyttardyń biri – mektep ınfraqurylymyndaǵy máselelerdi joıý boldy. Sońǵy 7 jylda 1300-den astam jańa mektep salynyp, qaýipti jáne úsh aýysymdy nysandar sany azaıtyldy, materıaldyq-tehnıkalyq baza jańartyldy. Tek Prezıdent bastamasymen iske qosylǵan «Keleshek mektepteri» ulttyq jobasy aıasynda 2023–2025 jyldary el boıynsha halyqaralyq standarttarǵa saı 217 mektep salyndy», dedi Úkimet basshysy Oljas Bektenov.
24.kz arnasynyń jazýynsha, Jappaı sportty damytý jáne áleýmettik ınfraqurylymdy jetildirý memlekettik saıasattyń negizgi basymdyqtarynyń biri bolyp qala beredi. Aımaqtarda sport jáne medısınalyq nysandar belsendi salynyp jatyr. Densaýlyq saqtaý salasynda qaıtarylǵan qarajat esebinen 180-den astam nysan salynyp, 230-dan astam sý jabdyqtary rekonstrýksııalanǵan.
Qarjy mektepter, sport nysandary, kommýnaldyq ınfraqurylym jáne basqa da áleýmettik mańyzdy jobalardy damytýǵa baǵyttalady.
Ulttyq qor balalarǵa 888 mln dollar aýdardy