«Urlanǵan maldardyń 15 deregi óriste joǵalsa, qalǵany qoradan joǵalǵan. Sońǵy kezderi mal urlyǵy faktisiniń ósýi maldy kúndelikti qarap, qadaǵalap, túgendemeý saldarynan da bolyp otyr. Sebebi, onyń jazǵy-qysqy baǵymy, azyǵy, sýarýy, turatyn ornynyń jaılylyǵyna mal ıesi jaýapkershilikpen qaraýy kerek. Osy tusta, jyl basynda aýdan ákimdigi men barlyq aýyldyq okrýg ákimderine eldi mekende baqtashy uıymdastyrý týraly aýdandyq polısııa bólimimen usynystar joldanǵan bolatyn. Nátıjesinde qazirgi kezde 11 eldi mekende iri qara maldardy padamen baǵý jumystary jolǵa qoıyldy. Endi qalǵan aýyldar da osy bastamany tıimdi uıymdastyra bilýi kerek», deıdi Jańaqorǵan aýdandyq polısııa bóliminiń orynbasary, polısııa maıory Aıbol Joldasbaev.
О́ńirde Ishki ister mınıstrliginiń №854 buıryǵynyń talaptaryn iske asyrý baǵytynda «Bóten múlikti urlaýǵa qarsy is-qımyl» jónindegi 2018-2020 jyldarǵa arnalǵan baǵdarlamasy júıeli júzege asyp jatyr. Bul baǵdarlamanyń negizgi maqsaty – mal urlyǵynyń aldyn alý baǵytyndaǵy sharalardy júzege asyrý. Josparda mal urlyǵyn ashý jáne tergep-tekserý boıynsha kent jáne aýyl ákimdikteriniń, veterınarııalyq ınspeksııalardyń jáne IIO-ny qyzmetkerlerimen birlesip tıisti ilespe qujattarynsyz mal tasymaldaý faktilerin anyqtaý jáne jolyn kesý boıynsha reıdtik is-sharalardy únemi ótkizý kózdelgen.