Aýdan kóleminde 2011-2020 jyldarǵa arnalǵan «Aqbulaq» baǵdarlamasyn iske asyrý maqsatynda 7 nysanǵa joba ázirlengen bolatyn. 2016 jyly «Nurly jol» baǵdarlamasy aıasynda Sekseýil kentine sý jelilerin júrgizý jáne qaıta jańǵyrtý jumystaryna 1 410 mln teńge, 2017 jylǵa 1 680,6 mln teńge qarjy qaralyp, Kóntý, Bógen, Shıjaǵa, Amanótkel, Aralqum, Qamystybas eldi mekenderine sý jelilerin júrgizý jáne qaıta jańǵyrtý jumystary júrgizildi.
Kezinde ýrbanızasııa degen jeleýmen aýyldaǵy jurttyń qalaǵa kóshýi zańdylyq dep túsindiriletin edi. Sonyń saldarynan jurt aldarynan batpan quıryq kútip turǵandaı qalaǵa aǵylyp, onsyz da keteýi ketken jumyssyzdyq máselesin ýshyqtyryp jibergen. Aýyl – qazaqtyń altyn besigi, ult qaınarynyń tuma bulaǵy. Aýylǵa jaǵdaı jasalsa, memlekettiń ekonomıkasyn kóterýde mańyzǵa ıe bolady. Qalamen teńestirilgen soń sharýashylyqtarǵa jan bitip jatyr.