Onda sóılegen sózinde aımaq basshysy Qumar Aqsaqalov qoǵamnyń barlyq salalarynda bolyp jatqan aýqymdy jańǵyrtýlar, jetistikter men tabystar bir shańyraq astynda tatý-tátti turyp, ortaq maqsat jolynda jumyla eńbek etip jatqan qazaq ulty men ulystardyń basty ıgiligi bolyp tabylatynyn atap kórsetip, etnomádenı birlestikterdiń bir top ókilin qurmet gramotasymen jáne alǵys hatpen marapattady.
Saltanatty shara budan keıin «Yntymaǵy jarasqan qazaq eli» atty ulttyq mádenı festıvalǵa jalǵasyp, qazaq estradasynyń jeztańdaı ánshisi Tamara Asar men jergilikti kórkemónerpazdar músheleriniń konserttik baǵdarlamasy tamashalandy.
Aqshańqan kıiz úıler qaz-qatar tizilip, olarda «Sheberler» qalasy», «As - adamnyń arqaýy», «Bir shańyraq astynda» sekildi taǵylymy mol sharalar uıymdastyryldy. Sondaı-aq «Dostyq aýmaǵy» sporttyq oıyndar, «Týǵan jer - týǵan el. Bir halyq - bir el» konserttik, «MQYouthFest» jas oryndaýshylardyń, «Dostyq shańyraǵy», «Meniń qalamnyń sheberleri», qazaqstandyq palýan, álem rekordshysy Sergeı Syrýlnıkovtyń shoý baǵdarlamalary usynyldy.
Alǵash ret uıymdastyrylǵan «Botaı» ulttyq oıyny kórermenderdiń kóńilinen shyqty.