Elimizde bıylǵy jyl - Jastar jyly bolyp jarııalanýyna baılanysty, halyq qalaýlylary jastarǵa qatysty máselelerge erekshe nazar aýdarýda. Osy oraıda, olar Oral qalasyndaǵy joǵary agrotehnıkalyq kolledjine bardy. Kezdesý barysynda depýtattar 3D aqparattyq dızaın kabınetiniń jumysymen tanysty.
- Tuńǵysh Prezıdent - Elbasy N.Nazarbaev jastardy qoldaý maqsatynda jumys oryndaryn ashýǵa tapsyrma jáne jas mamandardy baspanamen qamtamasyz etýge tapsyrma berdi. Eń bastysy eńbektený kerek. Búginde tirlik jasaımyn, ósemin, ónemin degen adamǵa barlyq múmkindik qarastyrylǵan. Aldyna maqsat qoıǵan, ári sol jolda tynbaı eńbektenetin adam jetistikke jetedi dep oılaımyn, - dedi Májilis depýtaty Qudaıbergen Erjan.
Sondaı-aq, Májilis depýtattary Mahambet О́temisov atyndaǵy Batys Qazaqstan memlekettik ýnıversıtetiniń stýdentterimen kezdesti.
Áńgime barysynda bilim berý salasyndaǵy stýdentter men muǵalimderge qatysty ózekti máseleler kóterildi. Sondaı-aq, búgingi kúni qoǵamda talqylanyp jatqan «Muǵalimder mártebesi týraly» zań jobasy nazardan tys qalmady.