Ekinshi dúnıejúzilik soǵys ardagerin týǵan kúnimen quttyqtaýǵa soltústikqazaqstandyq polısııa ókilderi arnaıy kelip, zor qurmet kórsetti.
Djýra Kobelev 1917 jyly О́zbekstanda kópbalaly sharýa otbasynda dúnıege kelgen. Qyzyl ásker qataryna shaqyrylyp, Stalıngrad mańyndaǵy qandy urystarǵa qatysqan. Keskilesken shaıqastardyń birinde aýyr jaraqat alyp, Qazaqstanda emdelgen. Soǵystan keıin maıdanger sanaly ǵumyryn ishki ister organdaryna qyzmet etýge baǵyttap, zeınetke deıin túrli laýazymdarda abyroımen eńbek etti.
Maıdangerge polısııa departamenti bastyǵynyń orynbasary Qapez Dáýletbaev, qalalyq polısııa basqarmasynyń bastyǵy Jandos Muqatov, ardagerler keńesiniń tóraǵasy Serǵazy Jumaǵulov jyly lebizderin arnap, syı-sııapattaryn usyndy.
Qadirmendi aqsaqal oblys jurtshylyǵyn alda kele jatqan Jeńis merekesimen quttyqtap, elimizge tynyshtyq, birlik tiledi.