Senbi, 18 mamyr 2013 1:11
ON UShQYSh ORNYN BOSATTY
Qazaqstanda 2012 jyly júrgizilgen ushý aldy tekserisiniń qorytyndysynda 300-ge jýyq adam, sonyń ishinde 10 ushqysh áýe joldaryna shyǵý quqyǵynan aırylǵan. Bul týraly «Qazaqstan jańalyqtary» habarlady.
«Qazaqstan azamattyq avıasııa komıtetiniń aqparatyna qaraǵanda, 2012 jyly ushý aldy medısınalyq tekserisiniń nátıjesinde 296 adam ushýdan bosatylǵan», – delingen habarlamada.
Senbi, 18 mamyr 2013 1:11
ON UShQYSh ORNYN BOSATTY
Qazaqstanda 2012 jyly júrgizilgen ushý aldy tekserisiniń qorytyndysynda 300-ge jýyq adam, sonyń ishinde 10 ushqysh áýe joldaryna shyǵý quqyǵynan aırylǵan. Bul týraly «Qazaqstan jańalyqtary» habarlady.
«Qazaqstan azamattyq avıasııa komıtetiniń aqparatyna qaraǵanda, 2012 jyly ushý aldy medısınalyq tekserisiniń nátıjesinde 296 adam ushýdan bosatylǵan», – delingen habarlamada.
Ushýǵa shyǵýǵa tyıym salynǵandar arasynda áýe kemeleriniń 10 ushqyshy bar. Bulardyń 3-eýi «Air Astana», 3-eýi «SCAT» avıakompanııalarynan, taǵy 2-eýi basqa kompanııalardan bolyp otyr. Sondaı-aq 2 avıadıspetcher men 284 bort serigi osy tizimnen oryn alǵan.
Qurysh NURYMBET.
________________
ALDAMPAZǴA ALDANǴANDAR
Alaıaqtyqtyń qýlyǵyna quryq boılamaýyna kóp rette aldanǵyshtar ózi kináli bolýshy jaılar az ba!? Al Temirtaýda bolǵan myna oqıǵa keı azamattar ańǵal-sańǵaldyǵynyń sonshalyqty salǵyrttyǵyna qaıran qaldyrmaı qoımaıdy. О́ıtkeni, birli-ekili emes, birneshe adamnyń birdeı jumysy, turaǵy belgisiz áıeldiń san soqtyrýyna túsip, aqyrynda bergen ýádeden de, aqshadan da aırylýyn aıtqaly otyrmyz.
Sonymen bul ne jaı desek, ózin túrli dýmandarda kezdesýshilerge, sóılesýshilerge qalalyq bilim basqarmasynyń jaýapty qyzmetkerimen dep tanystyryp, jabysa ketýshi bul júziktiń kózinen ótkendeı kelinshektiń áńgimesi ádette balany balabaqshaǵa ornalastyrýǵa kómek tıgize alýymen túıindeletin bolypty. 5 myńnan astam búldirshin arnaýly orynda tárbıelenýge kezekte turǵan qalanyń qaı turǵyny mundaı usynysqa eleńdemeı tura alsyn. Áıel sharýanyń retin keltirýge 50-75 myń teńge tólense bolǵany qalaǵan balabaqshaǵa joldama qolǵa tıetindigin aıtyp, sol úshin tıisti qujattar kóshirmesin tezdetip ákelýdi qaıta-qaıta eskertip, odan saıyn senýge eliktirip qoıady eken. Aqshany alaqanyna salýshylarǵa mór basylǵan, qol qoıylǵan joldama tıe de qalatyn bolǵan. Biraq ol jasandy ekeni anyqtalyp, aldanýshylar aryz túsirgenshe ýádeshi izin sýytyp otyrǵan.
О́zin árqaısysyna ártúrli esimmen tanystyrǵan, ázirge aty-jóni de tolyq anyq emes álgi áıelge izdeý salyndy. Odan osylaısha ashyqaýyzdyqpen opyq jegenderge ne deýge bolady?!
Aıqyn NESIPBAI,
«Egemen Qazaqstan».
TEMIRTAÝ.
__________
JО́RGEGINDE JER JASTANDYRDY
Oblys ortalyǵyndaǵy páterlerdiń birinen jańa týǵan shaqalaqtyń óli denesi tabyldy. Petropavl qalalyq ishki ister bóliminiń qyzmetkerleri ony sellofan paketke salyp, tunshyqtyryp óltirgenin anyqtady.
О́z nárestesin týa salysymen jórgeginde jer jastandyrǵan qatygez ana kóp uzamaı quryqtaldy. Tekserý amaldary barysynda onyń 2011 jyly qyz bala týyp, balalar úıine tastap ketkeni belgili boldy.
Endi ana sanatynda júrgen qatygez jannyń zań aldynda jaýap berýine týra keledi.
О́mir ESQALI,
«Egemen Qazaqstan».
Petropavl qalasy.