Qaraǵandy oblysynda aýlalardy abattandyrý sapasy qatań baqylanatyn bolady. Buǵan qosa, osy saladaǵy jumys jospary týraly turǵyndarǵa tolyqqandy aqparat berip turý da qolǵa alynbaqshy. Bul týrasynda oblys ákimdiginde ótken apparat jıynynda aıtyldy.
Osy jıynda Qaraǵandy qalasynyń ákimi Nurlan Áýbákirov oblys ortalyǵyndaǵy aýlalardy abattandyrý boıynsha úsh jylǵa arnalǵan jumys josparymen tanystyrdy. Mysaly, bıyl qalada 100 aýla jóndeýden ótkiziledi. Al 2020 jyly 123 aýlany abattandyrý josparda bar. Iаǵnı, kelesi jyldyń aıaǵyna taman Qaraǵandy qalasynda barlyq aýla jónge keltiriledi dep málimdedi qala basshysy.
Qazirgi tańda atalǵan jumystarmen aınalysatyn merdiger kompanııalar anyqtalǵan. Abattandyrýdyń birinshi kezeńinde aýlany asfalttaý, jaryqtandyrý, jıek tastar, oryndyqtar jáne qoqys jáshikterin ornatý jumystary júrgiziledi. Al 2020 jyly iske asyrylatyn ekinshi kezeń jospary boıynsha aýlalarda salynatyn balalar jáne sport alańdarynyń qurylysy josparlanǵan.