Almaty qalasynda CFO SUMMIT XIII sammıti ótip, onda qarjy naryǵyn damytý, korporatıvtik basqarýdy jetildirý jáne ınvestısııalyq ekojúıeni nyǵaıtý máseleleri keńinen talqylandy. Is-sharaǵa Qarjy naryǵyn retteý jáne damytý agenttigi tóraǵasynyń orynbasary Nurjan Tursynhanov qatysty, dep habarlaıdy Egemen.kz.
О́z sózinde ol bank sektoryn júıeli túrde jańǵyrtý aıaqtalǵannan keıin memlekettik saıasattyń negizgi basymdyǵy ekonomıkaǵa uzaq merzimdi ınvestısııalar tartýdyń basty kózi retinde qor naryǵyn damytýǵa aýysatynyn atap ótti.
Nurjan Tursynhanovtyń aıtýynsha, Memleket basshysy baǵaly qaǵazdar naryǵy týraly zańnamany halyqaralyq ozyq tájirıbeler men qazirgi ekonomıkanyń suranysyna saı keshendi túrde qaıta qaraý mindetin júktegen. Osyǵan baılanysty Agenttik Ulttyq bankpen birlesip qor naryǵyn damytýdyń 2030 jylǵa deıingi baǵdarlamasyn jáne «Baǵaly qaǵazdar naryǵy týraly» jańa zań jobasyn ázirleýdi bastamaq.
Saqtandyrý jáne qor naryǵyn damytýdyń baǵdarlamasy ázirlenedi
Jańa zańnyń basty maqsaty – kapıtaldy ekonomıkanyń naqty sektoryna tıimdi baǵyttaı alatyn ıkemdi ári turaqty naryqtyq ekojúıe qalyptastyrý. Bul jumys jeti strategııalyq baǵyt boıynsha júzege asyrylady. Atap aıtqanda:
Instıtýsıonaldyq, bólshek jáne sheteldik ınvestorlar esebinen ınvestorlyq bazany keńeıtý;
Jeke sektor kompanııalaryn qor naryǵyna shyǵýǵa yntalandyrý;
Naryq ınfraqurylymyn jetildirý;
Jahandyq kapıtal naryqtarymen yqpaldastyqty arttyrý;
Jańa qarjy quraldary men ınnovasııalardy engizý;
korporatıvtik basqarýdy damytý;
Retteý modelin keshendi jańartý.
Sondaı-aq halyqaralyq kapıtal naryqtaryna ıntegrasııany tereńdetý, qadaǵalaýdyń táýekelge baǵdarlanǵan ári ıkemdi modeline kóshý josparlanyp otyr. Bul sharalar qor naryǵyn retteýdiń tıimdiligin arttyryp, ınnovasııalyq bastamalarǵa qolaıly orta qalyptastyrýǵa múmkindik beredi.
Budan bólek, jetekshi halyqaralyq jáne otandyq sarapshylardyń qatysýymen qoldanystaǵy zańnamaǵa taldaý jasalyp, baǵaly qaǵazdar naryǵyn retteýdiń biryńǵaı ári júıeli tásili qalyptastyrylady. Ishki qor naryǵy men Astana halyqaralyq qarjy ortalyǵy arasyndaǵy ózara yqpaldastyqty kúsheıtý, sondaı-aq Qazaqstan qor bırjasy (KASE) ókilettikterin keńeıtý jáne júıelik táýekelderdi baǵalaý tetikterin jetildirý de negizgi basymdyqtardyń qatarynda.
Ulttyq bank: Bıznes rýbl men dollardyń aýytqýyna táýeldilikti tómendetedi
Qor naryǵyn damytýdyń 2030 jylǵa deıingi baǵdarlamasyn 2026 jyldyń qyrkúıegine deıin ázirleý kózdelse, «Baǵaly qaǵazdar naryǵy týraly» jańa zań jobasy bıylǵy jyldyń sońyna deıin daıyn bolady.