Almatyda Horvatııanyń shańǵy sporty qaýymdastyǵynyń burynǵy basshysy Vedran Pavlek ustaldy. Ol óz elinde shamamen 30 mıllıon eýrony zańsyz shyǵarýǵa qatysty kúdikke ilingen, dep habarlaıdy Egemen.kz.
Horvatııanyń ádilet mınıstri Damır Habııannyń málimetinshe, qazir Pavlekti eline ekstradısııalaý jumystary bastalǵan. Bul baǵytta Qazaqstannyń arnaıy qyzmetterimen birlesken jumys júrgizilip jatyr.
Tergeý nusqasyna sáıkes, Vedran Pavlek qarjy jymqyrý shemasyna qatysqan bolýy múmkin. Qylmystyq is naýryz aıynyń sońynda qozǵalǵan. Osydan az ýaqyt buryn ol shańǵy qaýymdastyǵyndaǵy qyzmetinen ketken.
Sheteldik BAQ-tyń habarlaýynsha, Pavlek aldymen Túrkııada bolǵan, keıin Ystanbul men Dýbaı arqyly Qazaqstanǵa jetken. Almatyda shamamen 10–15 kún júrgeni aıtylady.
Qazirgi ýaqytta resmı organdardan qosymsha aqparat kútilýde.
Aıta keteıik, beınebaqylaý kameralarynyń kómegimen Petropavlda eki páterdi bir ádispen tonaǵan 55 jastaǵy kúdikti ustalyp, qamaýǵa alyndy.
Elimizde esirtki bıznesimen aınalysqan 76 shetel azamaty qolǵa tústi.