Qazaqstandyq pasport sońǵy birneshe jylda jahandyq reıtıngtegi ornyn turaqty túrde jaqsartyp keledi. Endi el azamattary 78 elge vızasyz nemese jeńildetilgen tártippen kire alady, dep habarlaıdy Egemen.kz
2026 jylǵa arnalǵan Henley Passport Index-tiń jańartylǵan deregi boıynsha Qazaqstan 57-orynǵa kóterildi.
Qazaqstan ár jyldaǵy reıtıng boıynsha 2023 jyly - 70 orynda bolsa, 2024 jyly - 66 oryn, 2025 jyly - 61 oryn, 2026 jyly - 57-satyǵa jaıǵasty.
Osylaısha, sońǵy 2,5 jyl ishinde Qazaqstan pasporty 13 pozısııaǵa joǵarylady. Kók pasport álemdegi eń yqpaldy tólqujattar reıtınginde pozısııasyn jaqsartty.
AQSh-qa vıza ýáde etip, qazaqstandyqtardy 900 mln teńgege aldaǵan týrfırma basshysyna úkim shyǵaryldy
Sonymen, qazaqstandyqtar qaı elderge vızasyz bara alady?
Qazaqstan azamattary kóptegen elge vızasyz nemese jeńildetilgen rejımmen saıahattaı alady. Vızasyz rejım ekige bólinedi: tolyq vızasyz kirý jáne elge barǵan kezde rásimdeletin shartty vıza.
30 kúnge deıin vızasyz barýǵa bolatyn elderdiń qatarynda Qytaı, Malaızııa, Maldıv araldary, BAÁ, Vetnam, Katar, Serbııa jáne Fılıppın bar. Al Túrkııaǵa — 90 kúnge deıin, Grýzııaǵa — 1 jylǵa deıin vızasyz barýǵa ruqsat etiledi.
Ońtústik Koreıaǵa vızasyz kirýge bolady, biraq aldyn ala K-ETA elektrondy ruqsatyn rásimdeý qajet. Taılandqa barý úshin de arnaıy elektrondy mıgrasııalyq karta toltyrylady.
Memleket basshysy «Altyn vıza» ıegerlerine beriletin jańa jeńildikter týraly aıtty
Sarapshylar sapar aldynda ár eldiń kirý talaptaryn muqııat tekserýge keńes beredi. Keı memleketter qonaqúı broni, qaıtý bıleti nemese medısınalyq saqtandyrýdy suraýy múmkin.
Aıta keteıik, Henley Passport Index reıtıngi pasporttyń qansha elge vızasyz kirýge múmkindik beretinin esepteıdi. 2025 jylǵy reıtıngte Qazaqstan azamattary ondaǵan elge jeńildetilgen rejımmen saıahattaı alady.
Henley Passport Index - álemdegi qozǵalys erkindigin ólsheıtin jahandyq reıtıng. Ol belgili bir eldiń pasportymen qansha memleket pen aýmaqqa vızasyz barýǵa bolatynyn kórsetedi. 2025 jylǵy jańartylǵan nusqada 199 eldiń pasporty men álem boıynsha 227 baǵyt qamtylǵan.