Májilis ekinshi oqylymda janýarlar dúnıesi, orman jáne ańshylyq sharýashylyǵy jáne kásipkerlik máseleleri boıynsha ózgerister men tolyqtyrýlardy, sondaı-aq Ákimshilik quqyq buzýshylyq týraly kodekske (ÁQBtK) engiziletin ilespe túzetýleri qabyldady, dep habarlaıdy Egemen.kz.
Májilistiń baspasóz qyzmetiniń málimdeýinshe, depýtattar bastamashy bolǵan zań jobasy janýarlar dúnıesin qorǵaý, ósimin molaıtý jáne paıdalaný salasyndaǵy memlekettik retteýdi jetildirýge baǵyttalǵan. Atap aıtqanda, qoldan nemese jartylaı erikti jaǵdaılarda ósirilgen sırek kezdesetin jáne joıylyp ketý qaýpi bar janýarlardy tirkeý tártibin belgileý qarastyrylady. Bul zańsyz aýlanǵan janýarlardy zańdastyrýǵa jol bermeýge yqpal etedi. Sondaı-aq osy salaǵy qoǵamdyq baqylaý kúsheıtiledi.
Atyraýda ańshylyq kezinde er adam serigin atyp óltirgen
Zań boıynsha, ań aýlaý kezinde túngi kórý quraldaryn, sonyń ishinde ınfraqyzyl, elektrondyq-optıkalyq jáne teplovızııalyq qurylǵylardy paıdalanýǵa, sondaı-aq qoryqshynyń erip júrýinsiz sańyraýqurlardyń úıirge túsý kezeńinde jınalatyn oryndarynda ań aýlaýǵa tyıym salynady. Ań aýlaý jáne janýarlar dúnıesin paıdalaný qaǵıdalaryn buzǵany, sonyń ishinde jabaıy janýarlardy, ósimdikter men olardyń derıvattaryn, sonyń ishinde aqbóken múıizderin zańsyz jarnamalaǵany, tasymaldaǵany, saqtaǵany jáne ótkizgeni úshin jaýapkershilik artady.
«Budan bólek, ınfraqurylym obektilerin ornalastyrý jáne paıdalaný kezinde janýarlardyń mekendeıtin ortasyn, óris aýdarý joldaryn saqtaý jáne olardyń quryp ketý qaýpine qatysty talaptar belgilenedi. «Elektr jelilerindegi qustardy qorǵaý qurylǵylary» uǵymy engiziledi. Janýarlarǵa qatygezdik tanytqany úshin ákimshilik jáne qylmystyq jaýapkershilik kúsheıedi», delingen habarlamada.
Zań jobalary boıynsha jumys barysynda depýtattar ekologııalyq talaptardy saqtaı otyryp, jekelegen aýmaqtarda iri týrıstik jobalardy iske asyrý múmkindigin, sondaı-aq Qazaqstan azamattary men zańdy tulǵalaryna súrekti tereń óńdeý jáne orman órtteriniń saldaryn joıý jónindegi jobalar úshin uzaq merzimdi orman paıdalaný quqyǵyn berýdi kózdeıtin túzetýler engizdi.
Qosymsha retinde qoryqshylar men ańshylyq sharýashylyqtary basshylarynyń ákimshilik quqyq buzýshylyqtardyń jolyn kesý boıynsha ókilettigi keńeıedi, ekologııalyq quqyq buzýshylyqtardy tirkelgen avtomattandyrylǵan monıtorıng júıelerimen baqylaý kúsheıtiledi.
Janýarlardy qorǵaý jáne qoǵam qaýipsizdigi: Qańǵybas ıtterdiń shabýylyna qalaı tosqaýyl qoıamyz?