Qasym-Jomart Toqaev pen Vladımır Pýtınge kórsetilgen beınerolıkte tórt Amýr jolbarysyn «Ile-Balqash» memlekettik tabıǵı rezervaty aýmaǵyna jiberý sáti taspalanǵan, dep jazady Egemen.kz.
Jolbarystardy baqylap otyrý úshin tabıǵı ortaǵa jibergenge deıin olarǵa jerseriktik qarǵybaý ornatyldy.
Prezıdent Qasym-Jomart Toqaevtyń 2025 jyly qarasha aıynda Reseıge jasaǵan memlekettik sapary kezinde Qazaqstanǵa Amýr jolbarystaryn ákelýge ázirlik jáne jetkizilgen túz taǵylarynyń bastapqy beıimdeýden ótýi boıynsha birlesken is-sharalar josparyna qol qoıyldy. Osy ýaǵdalastyqtarǵa saı Reseı tarapy tórt Amýr jolbarysyn berdi.
Bul bastama Qazaqstandaǵy jolbarystar popýlıasııasyn qalpyna keltirýge jáne álemdegi bıoalýantúrlilikti saqtaýǵa zor úles qosady.