2030 jylǵa deıin álemde jańa rekordtyq ystyq jyl bolýy múmkin. Bul týraly Dúnıejúzilik meteorologııalyq uıym (WMO) jarııalaǵan baıandamada aıtyldy, dep jazady Egemen.kz.
Uıymnyń málimetinshe, 2026-2030 jyldar aralyǵyndaǵy kem degende bir jyl 2024 jyldan da ystyq bolýy múmkin. Qazir 2024 jyl tarıhtaǵy eń ystyq jyl bolyp esepteledi. Mundaı jaǵdaıdyń bolý yqtımaldyǵy – 86%. Sondaı-aq aldaǵy 5 jylda ortasha jahandyq temperatýranyń ındýstrııaǵa deıingi kezeńmen salystyrǵanda 1,5 gradýsqa joǵary bolý yqtımaldyǵy 75% ekeni aıtyldy.
Ǵalymdar klımattyń ózgerýin kómir, munaı jáne gaz sııaqty qazba otyndardy jaǵýdan bólinetin kómirqyshqyl gazynyń kóbeıýimen baılanystyrady. Olardyń aıtýynsha, jahandyq jylyný qazirdiń ózinde ár mınýt saıyn bir adamnyń ólimine sebep bolyp otyr. Eger zııandy shyǵaryndylar azaıtylmasa, bul jaǵdaı ýshyǵa túsýi múmkin.
Zúlfııa Súleımenova: Jahandyq jylyný Kaspıı teńiziniń jaǵdaıyna teris áser etip jatyr
BUU-nyń klımat máseleleri jónindegi ókili Saımon Stıll Eýropadaǵy aptap ystyqty klımattyq daǵdarystyń saldary dep atady. Onyń sózinshe, Úndistan men Azııanyń basqa aımaqtary da qatty zardap shegip jatyr.
Ǵalymdar birneshe ret temperatýranyń 1,5 gradýsqa kóterilýi aptap ystyqtyń, qurǵaqshylyqtyń, daýyldar men sý tasqyndarynyń kúsheıýine ákeletinin eskertken. Sonymen qatar mamandar 2026-2030 jyldary temperatýranyń 2 gradýsqa kóterilý yqtımaldyǵy 1%-dan az ekenin aıtty.
Temperatýranyń kóterilýine El-Nıno tabıǵı qubylysy da áser etedi.
Prezıdent: Jahandyq jylyný – Ortalyq Azııa úshin basty syn-qaterdiń biri
AQSh Ulttyq muhıttyq jáne atmosferalyq zertteýler basqarmasynyń málimetinshe, El-Nınonyń 2026 jyldyń jeltoqsany men 2027 jyldyń aqpany aralyǵynda paıda bolý yqtımaldyǵy – 96%, al onyń kúshti bolýy – 35%.
Baıandamanyń avtory Leon Hermanson osy qubylys 2027 jyldyń rekordtyq ystyq jyl bolý múmkindigin arttyratynyn aıtty.
Sondaı-aq esepte aldaǵy 5 qysta Arktıkadaǵy temperatýra qazirgi deńgeıden orta eseppen 2,8 gradýsqa joǵary bolatyny aıtylǵan. Bul Arktıka álemniń basqa aımaqtaryna qaraǵanda úsh ese jyldam jylynyp jatqanyn kórsetedi.
Jahandyq jylyný jaıylymdardy tozdyryp barady