Týrızm jáne sport mınıstrligi Sportty damytý dıreksııasy sportshylarǵa jalaqyny qoldanystaǵy kelisimsharttar men halyqaralyq jarystarǵa daıyndyqtyń bekitilgen sharttaryna sáıkes tóleıdi, dep habarlaıdy Egemen.kz
Mıhaıl Shaıdorovqa qatysty aıtar bolsaq, 2026 jyldyń qańtar jáne aqpan aılaryndaǵy jalaqysy buryn jasalǵan kelisimshart negizinde tolyq tólendi.
2026 jyldyń naýryz aıynan bastap sportshynyń Mılanda ótken Olımpııa oıyndarynda altyn medal jeńip alǵany eskerilip, jańa kelisimshart jasaý josparlanǵan bolatyn. Jańa kelisimshartta kelesi olımpıadalyq sıkl aıasyndaǵy daıyndyq pen qarjylandyrýdyń jańartylǵan sharttary qarastyrylǵan. Qazirgi ýaqytta kelisimshart talaptary taraptar arasynda talqylanyp jatyr.
Mıhaıl Shaıdorovtan jeńilgen Ilıa Malının sporttan úzilis alatyn boldy
Mundaı tájirıbe jańa olımpıadalyq sıklge daıyndyq júıesine kiretin barlyq sportshyǵa qoldanylady jáne uzaq merzimdi memlekettik qarjylandyrýdyń qalypty tártibi sanalady.Sonymen qatar memleket sportshyny olımpıadalyq jetistigi úshin yntalandyrýǵa qatysty óz mindettemelerin tolyq oryndaıdy dep atap ótemiz.
Mıhaıl Shaıdorov halyqaralyq syılyqqa úmitkerler tizimine endi
Olımpııa oıyndarynyń altyn medalin jeńip alǵany úshin Mıhaıl Shaıdorovqa 250 myń AQSh dollary kóleminde syıaqy tóleý, Almaty qalasynan úsh bólmeli páter berý, sondaı-aq Qazaqstan Respýblıkasynyń qoldanystaǵy zańnamasyna sáıkes ómir boıǵy aı saıynǵy memlekettik tólem taǵaıyndaý qarastyrylǵan.