Qonaev qalasyndaǵy Ortalyq saıabaqta jazýshy Berdibek Soqpaqbaev pen «Meniń atym Qoja» shyǵarmasynyń keıipkerine arnalǵan eskertkishke shyǵyp, orynsyz áreket jasaǵan 17 jastaǵy jasóspirim polısııa qyzmetkerlerimen ustaldy, dep habarlaıdy Egemen.kz
Áleýmettik jelilerde mádenı nysanǵa órmelep, qoǵamdyq tártipti buzǵan jasóspirimderdiń vıdeosy taraǵannan keıin quqyq qorǵaý organdary jedel tekserý júrgizgen. Nátıjesinde oqıǵaǵa qatysy bar kámeletke tolmaǵan anyqtalyp, qolǵa túsken. Qazirgi ýaqytta ol arnaıy kámeletke tolmaǵandarǵa arnalǵan mekemede tárbıelenýde.
Oblystyq polısııa departamentiniń málimetinshe, atalǵan derek boıynsha ákimshilik is qozǵalyp, materıaldar sot qaraýyna jiberilgen.
3 jylǵa sottalýy múmkin: IIM tarıhı eskertkishterdi búldirgenderge qatań eskertý jasady
Sonymen qatar, jasóspirimniń zańdy ókiliniń qatysýymen qoǵamdyq oryndardaǵy tártip pen jaýapkershilikke qatysty túsindirý jumystary júrgizilgen.
Esterińizge salamyz, keshe Astana qalasynda Beıimbet Maılınniń eskertkishine minip fotosessııa jasaǵan qyz jaýapqa tartylǵan bolatyn.