Qazaqstanda Ulttyq qaýipsizdik komıtetiniń (UQK) quzyreti keńeıtilýi múmkin. Qazirgi ýaqytta birqatar prezıdent jarlyqtaryna ózgerister engizý qarastyrylyp jatyr. Bul ózgerister UQK, Shekara qyzmeti, antıterrorlyq ortalyq jáne ulttyq qaýipsizdik salasyndaǵy ózge qurylymdardyń jumysyna qatysty, dep habarlaıdy Egemen.kz.
Jańa túzetýlerge sáıkes, UQK-niń sıfrlandyrý, kıberqaýipsizdik jáne jasandy ıntellekt salalaryndaǵy ókilettigi artady. Atap aıtqanda, komıtet krıtıkalyq sıfrlyq ınfraqurylym obektileriniń kıberqaýipsizdigin baqylaýǵa múmkindik alady.
Sonymen qatar, UQK memlekettik organdardyń sıfrlyq júıelerinen derekter alýǵa, qorǵalǵan aqparattyq júıelerdi damytýǵa, qupııa qujattarmen jumys isteýge jáne «elektrondy úkimettiń» ınternet pen poshtaǵa biryńǵaı shlıýzin úılestirýge qatysa alady.
Shekara qyzmetine de jańa sıfrlyq tehnologııalardy qoldaný jáne kıberqaýipsizdikke qatysý fýnksııalary qosylady.
Qujattaǵy keıbir tarmaqtar qupııa túrde qaldyrylǵan. О́zgerister 2026 jyldyń 12 shildesinen bastap kúshine enedi.
Eske salaıyq, Pavlodar oblysynda kıberpolıseıler zeınetkerdiń 5 mln teńgesin alaıaqtardan saqtap qalǵan bolatyn.
Al Bas prokýratýra 18 jańa kıberqaýipti anyqtaǵan edi.