Qostanaı kósheleriniń birinde kommýnaldyq apat saldarynan sý atqylap, kópqabatty úı deńgeıine deıin kóterilgen, dep habarlaıdy Egemen.kz.
Oqıǵa ornynan túsirilgen foto men vıdeolar áleýmettik jelilerde tez taralyp ketti.
Qalalyq ákimdiktiń málimetinshe, magıstraldyq jylý jelilerine júrgizilgen gıdravlıkalyq synaqtar kezinde dıametri 500 mıllımetrlik jylý qubyrynda zaqym paıda bolǵan. Sonyń saldarynan lıýk arqyly sý syrtqa atqylaǵan.
Almaty oblysy mańynda jeke úıde gaz jarylyp, 4 adam zardap shekti
Ákimdik ókilderi gıdravlıkalyq synaqtardyń jylytý maýsymyna daıyndyqtyń mindetti bóligi ekenin atap ótti. Bul jumystar jylý júıesindegi álsiz tustardy anyqtaý úshin júrgiziledi.
«Qalypty jaǵdaıda jylý júıesindegi qysym 11–12 atmosfera bolsa, synaq kezinde ol 16 atmosferaǵa deıin kóterilip, jasyryn aqaýlar anyqtalady. Jumys barysynda kezekshi mamandar jelilerdi baqylap, aqaý shyqqan jerlerdi dereý jabady», delingen habarlamada.
Rýdnyıda qubyr jarylyp, birneshe ǵımarat jylýsyz qaldy
Tekserý jumystary aıaqtalǵannan keıin mamandar anyqtalǵan aqaýdy josparly túrde qalpyna keltirýge kirisetinin málimdedi.
Nurbolat AMANBEK