«Yntalandyrýshy ósý: adamdar, qalalar, ekonomıkalar» taqyrybynda ótip jatqan forým jumysyna álemniń 74 elinen sarapshylar, saıasatkerler, bıznesmender men ǵalymdar qatysýda. Tirkelgen delegattardyń jalpy sany 5 492 adamdy quraıdy. AEF-2019 sheteldik jáne qazaqstandyq BAQ tarapynan da úlken qyzyǵýshylyq týdyrdy. 30 elden 710-nan astam BAQ ókilderi qatysyp jatyr.
Sonymen qatar forýmnyń qonaqtary arasynda Halyqaralyq valıýta qorynyń basqarýshy dırektory Krıstın Lagard, Qytaı Halyq Respýblıkasy Memlekettik keńesiniń vıse-premeri Han Chjen, Armenııa Respýblıkasynyń Prezıdenti Armen Sarkısıan, Grýzııanyń Premer-Mınıstri Mamýka Bahtadze, Nokia Corporation dırektorlar keńesiniń tóraǵasy Rısto Sıılasmaa, ekonomıka boıynsha Nobel syılyǵynyń laýreaty syndy tanymal tulǵalar bar.