«Kazakhstan Global Investment Roundtable 2019» forým barysynda Aýyl sharýashylyǵy mınıstri Saparhan Omarov «Beijing NAALE Industry Group» kompanııasynyń prezıdenti Chjan Sı myrzamen kezdesý ótkizdi.
Taraptar Pavlodar oblysyndaǵy qant zaýytynyń qurylysy men alıýmınıı bankalary óndirisin talqylady. Qant zaýytynyń qurylysy 2020 jyldyń sáýir aıyna, al zaýyttyń iske qosylýy 2021 jyldyń tamyz aıyna josparlanǵan. Jobanyń quny – 103 mln AQSh dollary. О́ndiristik qýaty – jylyna daıyn ónimnen 100 myń tonna jáne shıkizat (qant, qant qyzylshasy) 700 myń tonna. Jobany júzege asyrý úshin jer telimi rezervke qoıylǵan.
NAALE Group ókilderimen jobany birlesip iske asyrý máseleleri boıynsha kezdesý buryn Aýyl sharýashylyǵy mınıstrliginde, sondaı-aq Pavlodar oblysynyń ákimdiginde ótkenin atap ótken jón.
О́tkizilgen kezdesýler qorytyndysy boıynsha aýyl sharýashylyǵy kooperatıvin qurý josparlanýda, sodan keıin aǵymdaǵy jyldyń 2-3 toqsanynda qant qyzylshasyn tájirıbelik egý josparlanýda. TEN ázirleýge kelisim-shartqa qol qoıyldy. Qazirgi ýaqytta jobanyń TEN jáne JSQ daıyndaý boıynsha jumystar júrgizilip jatyr.