Saltanatty is-sharanyń qurmetti qonaǵy retinde áskerı qyzmetshilerdiń ata-analary, týysqandary, Qarýly Kúshterdiń ardagerleri, jergilikti basqarý organdary men qoǵamdyq uıym ókilderi qatysty. Qonaqtardyń nazaryna áskerılerdiń jaýyngerlik daıarlyq elementteri boıynsha kórsetilimder usynyldy.
25744, 30238, 41433 jáne 99116 áskerı bólimine myń jarymnan astam sarbazdyń ata-analary men týǵan-týysqandary kelgen boltyn. Shalǵaıdan kelgen ata-analarmen bólim komandırleri men olardyń orynbasarlary ótkizdi. О́ńirlik qolbasshylyq áskerı bólimderiniń komandırleri ata-analarmen áńgimelesip, barlyq qyzyqtyrǵan saýaldaryna jaýap berdi, qonaqtardy áskerı qyzmetshilerdiń áleýmettik-turmystyq jaǵdaıymen tanystyryp, kazarlamalardy, ashanalardy, trenajerlyq zaldar men oqý synyptaryn kórsetti.
-Bizder Táýelsiz Qazaqstanǵa, onyń aıbyndy Qarýly Kúshterine qyzmet etetińimizdi maqtan tutamyz! Biz Otanymyzdyń ıgiligi úshin ózimizdiń áskerı boryshymyzdy adal oryndaıtynymyzǵa kámil senemin», deıdi Aqtaý qalasynyń 25744 áskerı bólimine shaqyrylǵan gvardııa qatardaǵy jaýynger Almas Qýanyshev.
Áskerı ant qabyldaǵan jas sarbazdar endigi kezekte jas mamandardy daıarlaý baǵdarlamasyna sáıkes jaýyngerlik úrdiske belsene kirisedi. Jarty jyldan soń olar áskerı mamandyq ıesi atanyp, artıllerııashy, tankishi, atqysh, baılanysshy laýazymdarynda tolyqqandy Otan qorǵaýshylar mártebesine ıe bolady.
-Qazirgi ýaqytta áskerge dene bitimi shynyqqan, bilimdi, moraldyq turǵyda turaqty bozbalalar keledi. Ardagerler men áskerı bólimderdiń komandırleri olar dańqty jaýyngerlik dástúrdiń laıyqty urpaǵyna aınalyp, Qazaqstan Respýblıkasyna qaltqysyz qyzmet etýdiń úlgisi bolatyndaryna kámil senedi, deıdi «Batys» óńirlik qolbasshylyǵy Basqarmasynyń baspasóz qyzmetinen kapıtan Rýstem Igısınov.