Tarıhı erekshelikterine qaraı ejelgi sáýlettik eskertkishterdi saqtap qalý maqsatynda qala irgesinde ornalasqan kıeli oryndar - Ibragım ata, Qarashash ana keseneleriniń aýmaǵynda kóriktendirý jumystary júrgizildi.
Sondaı-aq, «Qoshqar ata» jobasy boıynsha jergilikti bılik tarapynan Qoshqar ata ózeniniń jaǵalaýy abattandyrylyp, qalanyń tarıhı damý kezeńin qazirgi ýaqytpen ushtastyratyn zamanaýı qalashyq jáne týrıstik aımaq retinde damytý jobasy júzege asyrylýda.
Qýantarlyǵy, qaladaǵy eski qalashyqty (Sıtadel) IýNESKO-nyń álemdik mádenı muralar tizimine engizýdiń nomınasııalyq derektemesi daıyndaldy. Qalashyqty ashyq aspan astyndaǵy murajaı retinde qurý boıynsha JSQ daıyndaýǵa 2017-2019 jyldary qarjy qaralyp, ıgerilgen. Búginde munda restavrasııa, konservasııa jumystary júrgizilýde.