Eýropa fýtbol qaýymdastyǵy (ÝEFA) 2018/2019 jylǵy Eýrododa maýsymyn qorytyndylap, komandalardyń jańarǵan reıtıngin jarııalady. Klýbtardyń reıtıngi sońǵy bes jyldaǵy nátıjelerine qarap jasalǵan.
ÝEFA klýbtar reıtınginde Madrıdtiń «Real» komandasy 146.000 upaımen alty jyldan beri kóshbastap keledi. Ekinshi oryndy Ispanııanyń taǵy bir komandasy – «Barselona» (138,000) ıelense, úzdik úshtikti 128,000 upaıy bar Germanııanyń «Bavarııa» klýby qorytyndylap tur.
Al qazaqstandyq komandalar arasyndaǵy eń úzdik kórsetkish elordanyń «Astana» komandasyna tıesili. Byltyr Eýropa lıgasynyń toptyq kezeńinde synǵa túsken «Astana» ÝEFA klýbtar reıtıngisiniń 2018 jylǵy nátıjesimen salystyrǵanda 10 saty joǵarylap, 57-shi orynǵa turaqtady. Qorjynynda 27.500 upaı bar. Almatynyń «Qaıraty» 2,000 upaımen 208-shi, Qostanaıdyń «Tobyly» (1,500) 260-shy orynda tur.