Astana qalasynda ıntellektýaldy beınebaqylaý júıesi elektrosamokat júrgizýshileri jibergen jol qozǵalysy erejesin buzýshylyqtardy tirkeı bastaıdy. Bul týraly qalalyq polısııa departamenti habarlady, dep jazady Egemen.kz.
Jańa júıeni quqyq qorǵaý organdary «Sergek» kompanııasymen birlesip ázirlep jatyr. Qazirgi ýaqytta quqyq buzýshylardy jaýapkershilikke tartý úshin memlekettik nómirlerdi avtomatty túrde taný júıesi jasalyp jatyr. Júıe aıyppul salý úshin qajei materıaldardy qalyptastyratyn bolady.
Polısııa málimetinshe, sıfrlyq tehnologııalar men sáıkestendirý júıesin qoldaný quqyq buzýshylardy tıimdi anyqtaýǵa, jol-kólik oqıǵalaryn azaıtýǵa jáne paıdalanýshylardyń tártibin arttyrýǵa múmkindik beredi.
«Qazirgi tańda elordada 10 myńnan astam elektrosamokat bar, onyń shamamen 8 myńy turaqty qoldanysta. Sonymen qatar osy kólik túrine qatysty quqyq buzýshylyqtar men jol-kólik oqıǵalarynyń sany artyp keledi. Jyl basynan beri 45 jol apaty tirkelip, 50 adam jaraqat alǵan», delingen habarlamada.
2026 jylǵy 1 shildeden bastap zańnamaǵa engizilgen ózgerister kúshine enedi. Oǵan sáıkes, elektrosamokattar jol qozǵalysynyń tolyqqandy qatysýshylary retinde tanylady.
Jańa talaptarǵa saı:
júrgizýshiler túngi ýaqytta shlem jáne jaryq shaǵylystyratyn elementterdi paıdalanýǵa mindetti; jolaýshy tasymaldaý, paıdalaný qaǵıdalaryn buzý jáne kámeletke tolmaǵandardyń basqarýy úshin ákimshilik jaýapkershilik engiziledi; qozǵalys velojolaqtarda, velojoldarda jáne joldyń oń jaq shetinde ruqsat etiledi; 18 jasqa tolmaǵan tulǵalar júrgizýshi kýáliginsiz joldyń júrý bóliginde qozǵala almaıdy.«Aqyldy» kameralar quryǵy: 12 naýryzdan bastap aıyppuldar avtomatty túrde jazylady