Áńgimelesý barysynda Vladımır Pýtın Qasym-Jomart Toqaevty prezıdent saılaýyndaǵy aıqyn jeńisimen quttyqtap, joǵary memlekettik qyzmetine tabys tiledi.
Qasym-Jomart Toqaev Vladımır Pýtınge quttyqtaǵany úshin rızashylyq bildirip, Qazaqstannyń Reseımen jan-jaqty yntymaqtastyq jónindegi ustanymy jalǵasa beretinin aıtty.
Qazaqstan Prezıdenti Reseı Prezıdentin aldaǵy Reseı kúni memlekettik merekesimen quttyqtady.
* * *
Memleket basshysy Qasym-Jomart Toqaevtyń atyna Qytaı Halyq Respýblıkasynyń Tóraǵasy Sı Szınpınniń quttyqtaý jedelhaty kelip tústi.
Qazaqstan Respýblıkasynyń Prezıdenti laýazymyna saılanýyna baılanysty Qasym-Jomart Toqaevtyń atyna Qytaı Halyq Respýblıkasynyń Tóraǵasy Sı Szınpınniń quttyqtaý jedelhaty kelip tústi.
«Sizdiń Qazaqstan Respýblıkasynyń Prezıdenti laýazymyna saılanýyńyzǵa baılanysty Úkimettiń jáne qytaı halqynyń, sondaı-aq jeke ózimniń atymnan júrekjardy quttyqtaýym men izgi tilegimdi bildirýdi abyroı sanaımyn.
Qytaı men Qazaqstan tatý kórshi ári strategııalyq áriptes sanalady. Men qazaq-qytaı qatynastaryn tereńdetýge basa mán beremin. Osyǵan deıingi memleketter basshylarynyń estafetasyn qabyldaı otyryp, eki eldiń turaqty ári uzaq merzimdi damýy úshin jańa paraqty ashamyz jáne Sizben tyǵyz baılanys ornatamyz dep úmittenemin», delingen jedelhatta.
* * *
Memleket basshysy Qasym-Jomart Toqaev О́zbekstan Respýblıkasynyń Prezıdenti Shavkat Mırzııoevpen telefon arqyly sóılesti.
О́zbekstan Prezıdenti Shavkat Mırzııoev Qasym-Jomart Toqaevty Qazaqstan Respýblıkasynyń Prezıdenti saılaýyndaǵy aıqyn jeńisimen quttyqtady.
Qasym-Jomart Toqaev Shavkat Mırzııoevke quttyqtaǵany úshin rızashylyq bildirip, baýyrlas elder arasyndaǵy yntymaqtastyqty jan-jaqty ári qarqyndy ilgeriletý jónindegi Elbasy Nursultan Nazarbaevtyń ustanǵan saıasatyn jalǵastyratynyn atap ótti.
Memleketter basshylary Qasym-Jomart Toqaevtyń bıylǵy 14-15 sáýirde О́zbekstanǵa jasaǵan memlekettik saparynyń nátıjesinde qol jetkizilgen ýaǵdalastyqtardyń tıimdi júzege asyrylýy qazaq-ózbek qarym-qatynastarynyń damýyna tyń serpin beretinine senim bildirdi.
Memleket basshysy Qasym-Jomart Toqaev Qyrǵyz Respýblıkasynyń Prezıdenti Sooronbaı Jeenbekovpen telefon arqyly sóılesti.
Qyrǵyz Respýblıkasynyń Prezıdenti Sooronbaı Jeenbekov Qasym-Jomart Toqaevty Qazaqstan Respýblıkasynyń Prezıdenti saılaýyndaǵy jeńisimen quttyqtady.
Taraptar eki el halyqtarynyń tatý kórshilik jáne dostyq negizdegi qazaq-qyrǵyz qatynastaryn odan ári nyǵaıtýǵa nıetti ekenin atap aıtty.
Sonymen qatar prezıdentter aldaǵy kezdesýlerdiń kestesin qarastyrdy.
* * *
Memleket basshysy Qasym-Jomart Toqaev Ázerbaıjan Respýblıkasynyń Prezıdenti Ilham Álıevpen telefon arqyly sóılesti.
Ázerbaıjan Respýblıkasynyń Prezıdenti Ilham Álıev Qasym-Jomart Toqaevty Qazaqstan Respýblıkasynyń Prezıdenti saılaýyndaǵy aıqyn jeńisimen quttyqtap, joǵary memlekettik qyzmetine tabys tiledi.
Qasym-Jomart Toqaev Ilham Álıevke quttyqtaǵany úshin rızashylyq bildirip, Ázerbaıjanmen jan-jaqty yntymaqtastyqty damytý jónindegi Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń saıasatyn jalǵastyratynyn atap ótti.
* * *
Memleket basshysy Qasym-Jomart Toqaev Tájikstan Respýblıkasynyń Prezıdenti Emomalı Rahmonmen telefon arqyly sóılesti.
Tájikstan Prezıdenti Emomalı Rahmon Qasym-Jomart Toqaevty Qazaqstan Respýblıkasynyń Prezıdenti saılaýyndaǵy jeńisimen quttyqtady.
Memleketter basshylary Qazaqstan men Tájikstan arasyndaǵy strategııalyq áriptestiktiń odan ári qarqyndy damıtynyna senim bildirdi.
Taraptar aldaǵy kezdesýlerdiń kestesin talqylady.
* * *
Memleket basshysy Qasym-Jomart Toqaev Armenııa Respýblıkasynyń Premer-Mınıstri Nıkol Pashınıanmen telefon arqyly sóılesti.
Armenııa Respýblıkasynyń Premer-Mınıstri Nıkol Pashınıan Qasym-Jomart Toqaevty prezıdent saılaýyndaǵy aıqyn jeńisimen quttyqtap, dostas Qazaqstannyń ıgiligi jolyndaǵy eńbegine tabys tiledi.
Qasym-Jomart Toqaev Armenııa Úkimetiniń basshysyna quttyqtaǵany úshin rızashylyq bildirip, qazaq-armıan yntymaqtastyǵyn ekijaqty formatta da, Eýrazııalyq ekonomıkalyq odaq aıasynda da damytýdy jalǵastyrýǵa nıetti ekenin aıtty.