Seısenbi, 26 aqpan 2013 7:37
Raýl Kastro qaıta saılandy
Kýba Memlekettik keńesiniń is basyndaǵy tóraǵasy (prezıdent) Raýl Kastro jańa 5 jyldyq merzimge qaıta saılandy. 81 jastaǵy tóraǵanyń Kýbanyń ulttyq kósemi Fıdel Kastronyń inisi ekeni belgili. Fıdel syrqattanǵan soń Raýl onyń ornyn basqany taǵy málim.
Seısenbi, 26 aqpan 2013 7:37
Raýl Kastro qaıta saılandy
Kýba Memlekettik keńesiniń is basyndaǵy tóraǵasy (prezıdent) Raýl Kastro jańa 5 jyldyq merzimge qaıta saılandy. 81 jastaǵy tóraǵanyń Kýbanyń ulttyq kósemi Fıdel Kastronyń inisi ekeni belgili. Fıdel syrqattanǵan soń Raýl onyń ornyn basqany taǵy málim.
Raýl Kastro Memlekettik keńeske 2008 jyly kelse, úshinshi merzimge qalýǵa nıeti joq ekenin ashyq aıtyp otyr. Sóıtip, ol el konstıtýsııasyna ózgeris engizip, ózinen keıingi tóraǵalardyń da eki merzimnen artyq otyrýynyń jolyn kespek. Al Raýl Kastronyń izbasary kim bolmaq degenge kelsek, keıbir baıqaýshylar 53 jastaǵy birinshi vıse-prezıdent bolyp saılanǵan munyń aldyndaǵy bilim mınıstri Mıgel Dıas-Kanel Bermýdestiń atyn ataıdy.
Áıel prezıdenttiń alǵashqy ınaýgýrasııasy
Ońtústik Koreıada eldiń alǵashqy áıel prezıdenti Pak Kyn Heniń ınaýgýrasııasy bolyp ótti. Ol bul joǵary laýazymda Lı Men Bakty almastyrǵany belgili. Pak Kyn Heniń qyzmetine kirisýine arnalǵan saltanatty sharalarǵa 70 myńdaı adam jınaldy.
Jańa prezıdent óziniń alǵashqy sózinde KHDR-men ózara qarym-qatynas taqyrybyn da qozǵap ótti. Soltústik Koreıa jaqynda óz tarıhynda úshinshi ıadrolyq synaǵyn jasaǵany málim. Pak Kyn He synaqtar saldarynan birinshi kezekte Soltústik Koreıanyń ózi zardap shegetinin atap aıtty. Ońtústik Koreıanyń alǵashqy áıel-prezıdenti 61 jasta. Ákesi Pak Chon Hı de tóńkeris nátıjesinde bılikke kelip, 1963-1979 jyldar aralyǵynda prezıdent bolǵan. Oǵan 1979 jyly qastandyq jasalyp, qaza tapqan edi.
Karzaıdyń talaby kúshti
Aýǵanstan prezıdenti Hamıd Karzaı arnaıy baǵyttaǵy AQSh áskerleri eki aptanyń ishinde Vardak ýálaıatynan shyǵýy tıis degen jarlyqqa qol qoıdy. Aýǵanstannyń atalǵan provınsııasy el astanasy – Kabýl qalasynyń ońtústik-batysyna qaraı ornalasqan.
Aýǵanstan prezıdentiniń jarlyǵy AQSh óziniń provınsııadaǵy negizgi áskerı kúshterinen aıyrylady degendi bildiredi. Al Karzaıdyń mundaı jarlyqqa qol qoıýyna amerıkalyqtarmen yntymaqtasqan jergilikti turǵyndardyń zorlyq-zombylyqpen jáne adam óltirýmen aınalysýlary negizgi sebep bolsa kerek. Keıbir sarapshylar AQSh tarapy Aýǵanstandaǵy zorlyq-zombylyqqa jaýap berýi tıis dep sanaıdy.
Qaýipsizdikke úlken mán berdi
Izraıl bıligi el áskerlerin joǵary daıyndyq jaǵdaıyna keltirdi. Bul Palestına tutqyny Arafat Djaradattyń jerlenýine baılanysty oryn aldy. A.Djaradat Saır eldi mekeniniń týmasy eken. Sondyqtan Izraıl áskerıleri jerleý kezinde tártipsizdikter oryn alady dep qaýiptenip otyr.
Palestınalyqtar tutqyndaǵy otandastary azaptaýlardyń saldarynan kóz jumdy dep sanaıdy. Osy sebepti Hevron, Ramalla jáne Vıfleem qalalarynda sherýler uıymdastyrǵan edi. Narazylyq bildirýshiler Izraıl soldattaryna tas atsa, olar jaýap retinde kózinen jas aǵyzatyn gaz qoldanǵan-tyn. 39 jastaǵy A.Djaradat ótken senbi kúni, ıaǵnı 23 aqpanda Izraıldiń soltústigindegi «Megıddo» túrmesinde kóz jumǵan edi.
Temekige qarsy zań qabyldandy
Reseı prezıdenti Vladımır Pýtın temekige qarsy zańǵa qol qoıdy. Qujat temeki ónimderin jarnamalaýǵa, qoǵamdyq oryndarda shylym shegýge tyıym salady. Sondaı-aq, zańnamada temekige qarsy baǵyttalǵan basqa da birqatar shekteý sharalary belgilengen.
Zań ústimizdegi jyldyń 1 maýsymynan bastap kúshine enedi. Osy kúnnen bastap Reseıde qoǵamdyq oryndarda, máselen, vokzaldar men avtobýs aıaldamalarynda, mektepterde, joǵary oqý oryndarynda, memlekettik bılik organdarynyń ǵımarattarynda temeki shegýge tyıym salynady. Al 2014 jyldyń maýsymynan bastap meıramhanalar men qonaq úılerde de temeki shegýge ruqsat berilmeıdi. DDU-nyń derekterine súıensek, Reseı shylym shegetinder óte kóp elder sanatynda eken.
Ushaq 1 tonna altynmen ustaldy
Ystambuldyń halyqaralyq áýejaıynda Túrkimenstannyń «Týrkmenhovaellary» (Túrkimenáýejoldary) áýe kompanııasynyń ushaǵy ustaldy. Onyń bortynda Ashǵabadqa jetkizilmekshi 1 tonnadan astam altyn quımalary bar eken. Júktiń ıesi túriktiń «Polimeks» qurylys kompanııasy kórinedi.
Atalǵan kompanııa uzaq jyldar boıy Túrkimenstanda qurylys jobalarymen aınalysyp kelgen. Qujat boıynsha ushaq bortyna santehnıka tıelgen dep kórsetilipti. Túrkııa BAQ-tarynyń aıtýlarynsha, Túrkimenstanǵa qupııa túrde jetkizilmek bolǵan altynnyń jalpy salmaǵy 1,3 tonnany quraıdy. Qurylys kompanııasy baspasóz paraqshasyn taratyp, bul iste ózderiniń kinásiz ekendikterin aıtyp, aqtalýda eken.
Qysqa qaıyryp aıtqanda:
Qytaıdyń Henan provınsııasyndaǵy Nanıan qalasynyń Vanchen aýdanynda partııa hatshysy bolyp isteıtin Lıý Sıanchýn qyzmet kóligimen kınoǵa kelgen 26 adamdy basyp ketken. Zardap shekkenderdiń ekeýi ál ústinde jatyr eken.
Ýkraınanyń Poltava oblysynyń Oktıabr selosynda belgisiz bireýler Vladımır Lenın men onyń zaıyby Nadejda Krýpskaıanyń eskertkishteriniń basyn alyp ketken. Qazirgi kezde kináliler izdestirilip jatqan kórinedi.
О́tken jeksenbi kúni Pákstan aýmaǵynyń basym bóligi eki saǵattan astam ýaqyt jaryqsyz qaldy. Buǵan eldegi asa iri elektr stansalarynyń birindegi apat sebep boldy. Apatqa qural-jabdyqtardyń eskirgeni alyp kelgenge uqsaıdy.
Geologtar Úndi muhıtynyń Mavrıkııa aýdanynda muhıt túbinde jasyrynyp jatqan kóne kontınenttiń izin tapty. Kóne qurlyq býlkan atqylaýy saldarynan sý túbine ketken sekildi. Zertteýler tabylǵan qurlyq osydan 60-80 mıllıon jyl buryn jer betinde bolǵan degendi kóldeneń tartyp otyr.
Internet materıaldary negizinde ázirlendi.