Seısenbi, 19 naýryz 2013 0:42
El konstıtýsııasynyń ózgertilýine qarsy
О́tken jeksenbi kúni Býdapeshte myńdaǵan adam Vengrııanyń premer-mınıstri Vıktor Orbanǵa qarsylyq bildirgen sherý ótti. El astanasynyń ortalyǵynda ótken sherý qalyń qar túsýine baılanysty keıinge shegerilgen bolatyn.
Seısenbi, 19 naýryz 2013 0:42
El konstıtýsııasynyń ózgertilýine qarsy
О́tken jeksenbi kúni Býdapeshte myńdaǵan adam Vengrııanyń premer-mınıstri Vıktor Orbanǵa qarsylyq bildirgen sherý ótti. El astanasynyń ortalyǵynda ótken sherý qalyń qar túsýine baılanysty keıinge shegerilgen bolatyn.
«Reıter» agenttiginiń jazýyna qaraǵanda, 2010 jyly premer-mınıstr qyzmetine ekinshi márte otyrǵan Vıktor Orban eldiń negizgi zańy – konstıtýsııany ózgertýge bastamashy bolǵan. Sońǵy jyldary parlament konstıtýsııaǵa tórtinshi ret ózgerister engizip otyr. Bul vengerlik oppozısııa tarapynan synǵa ushyrap keledi. Sondaı-aq, buǵan Eýropalyq odaq pen AQSh-ta qarsylyq bildirýde. Olar demokratııany tunshyqtyrady degen pikir aıtady.
Qosymsha salyq qaýipti dep málimdedi
Reseı prezıdenti Vladımır Pýtın Kıpr bankterindegi salymdarǵa qosymsha salyq engizý durys emes jáne ol qaýipti dep málimdedi. «Novostı» aqparat agenttiginiń habarlaýynsha, prezıdent muny kásibılikpen shyǵarylǵan emes dep aıtqan.Osynyń aldynda Reseıdiń qarjy vıse-mınıstri Sergeı Shatalov salymshylardyń bankterdegi aqshalaryna qosymsha salyq engizý qajettilik dep málimdegen bolatyn. О́tken jeksenbide Kıpr úkimeti Eýropalyq odaqtyń talap etýimen eldiń bankterindegi barlyq depozıtterge salyq engizgen edi. Soǵan baılanysty bankterde 100 myń eýroǵa deıingi salymy bar salymshylar onyń 6,75 paıyzyn, al odan kóp qarjysy barlar 9,9 paıyz salyq tóleýge tıis.
40 mıllıard dollar talap etýde
Maıkl Djeksonnyń otbasy jáne muragerleri ánshiniń qaıtys bolýyna baılanysty ótpeı qalǵan konserti úshin promoýterlerden 40 mıllıard dollar talap etýde. Agenttikterdiń aqparattary boıynsha, konserttiń ótpeı qalýyna ánshiniń jeke dárigeri Konrad Mıýrreı kináli kórinedi.Burynyraqta sot ánshiniń ólimine K.Mıýrreıdiń salǵyrttyǵy sebep bolǵan degen aıyp taǵyp, muragerleri konsertti uıymdastyrýshylardan 10 mıllıard dollar talap etken edi. Endi olar, eger konsert ýaqytynda ótkende, odan ánshi 30 mıllıard dollar tabys tabar edi dep otyr. Sot 2013 jyldyń 2 sáýirine belgilengen. Al Maıkl Djekson 2009 jyldyń maýsymynda qaıtys bolǵan.
Úsh polıseı qaza tapty
О́zbekstandyq shekarashylar Aýǵanstannyń soltústigindegi Balah provınsııasynda aýǵandyq úsh polıseıdi atyp tastady. Aýǵanstan generaly Mohammad Mamozaıanyń habarlaýynsha, oqıǵa 17 naýryzda túnde bolǵan.Aýǵandyq jeti polıseı Aýǵanstanǵa qaraıtyn Ámýdarııa ózeniniń ormandy alqabyn aralap ketip bara jatqanda, olarǵa belgisiz sebepterden О́zbekstan shekarashylary oq atqan kórinedi. Sonyń saldarynan úsh shekarashy qaza tapqan. Osy ózen boıymen ótetin Aýǵanstan – О́zbekstan shekarasy 137 shaqyrymdy quraıdy. Jyl basynan beri aýǵandyqtar 22 ret shekarany buzǵan eken, 106 adam ustalǵan.
Ýkraınalyq jýrnalıst eline oraldy
Sırııa kóterilisshileriniń tutqynynan qashyp shyqqan jýrnalıst Anhar Kochneva otanyna aman-esen jetti. Bul jóninde Ýkraına syrtqy ister mınıstrliginiń baspasóz qyzmeti habarlady.Onyń densaýlyǵy qanaǵattanarlyq, qazirgi kezde ol Kıev qalasynda ornalasty. Kochnevany 2012 jyldyń qazanynda urlap ketken edi. Onyń aıtýynsha, kóterilisshiler oǵan jóndi qaramaǵan. О́zderi de nashar turady. Tutqynda ol 153 kún bolǵan. Alǵashynda kóterilisshiler ony bosatýǵa 50 mıllıon dollar aqsha surapty. Amalyn taýyp qashyp shyqqan Kochneva 15 shaqyrymǵa jýyq jol júrgen.
Úsh fýtbolshydan habar joq
Qyrymda Kot-d Ivýar eliniń úsh fýtbolshysy joǵaldy. «Jýrnalıstik zertteý ortalyǵy» saıtynyń habaryna qaraǵanda, olar 14 naýryzda Evpatorııadaǵy qonaq úıden shyǵyp ketken. Kúni búginge deıin eshqandaı derek joq.Evpatorııa qalalyq mılısııa bóliminiń qyzmetkeri Iýrıı Raslınniń aıtýynsha, olardyń birge kelgen komandalastary qaladaǵy oqý-jattyǵý ornynda jattyǵý ústinde. Úsh fýtbolshynyń joǵalǵandyǵy jóninde komanda jetekshisine habarlandy. Jattyqtyrýshynyń aıtýynsha, olardyń úsheýinde de aqsha bolǵan, uıaly telefondary bar. Fransýz tilderin biledi.
Qysqa qaıyryp aıtqanda:
Kanadanyń Sen-Jero túrmesinen tikushaqpen qashyp ketken eki tutqyn da ustaldy.
Keshe Pákstannyń soltústigindegi Peshavr qalasynyń soty ǵımaratyna sodyrlar shabýyl jasady. Shabýyl kezinde 3 adam qaza taýyp, 27 adam jaralandy.
AQSh-tyń Indıana shtatyndaǵy turǵyn úıge shaǵyn ushaq qulap, eki adam opat boldy.
Grekııanyń ortalyǵyndaǵy Malandarıno qalasyndaǵy túrmede kepilge alynǵan bes qyzmetker de bosatyldy.
Internet materıaldary negizinde ázirlendi.