Barshanyń ıgiligine arnalǵan baǵdarlama usyndy

Mereıli mindetter mejelendi

Keshegi ótken kezekten tys prezıdenttik saılaýda otandas­tarymyz aıryqsha belsendilik tanytyp, memlekettiń jańa basshysyn saılady. Búgin mine, Qasym-Jomart Kemeluly ózine senim artqan halqy aldynda adal qyzmet etýge ant qabyldap, saılaýaldy usynǵan baǵdarlamasyn­da aıtylǵan el ıgiligi jolynda­ǵy mańyzdy min­detterdi júzege asyrýǵa sert etti.

Qasym-Jomart Toqaev Qazaqstan Respýblıkasynyń Prezıdenti ǵana emes, Qarýly Kúshterdiń Joǵarǵy Bas qolbasshysy retinde de tól áskerimizdiń áleýetine aı­ryqsha nazar aýdaryp otyr. Taıaýda ǵana Ulttyq ulannyń elorda irgesinde ornalasqan jedel quramynda bolyp, quqyqtyq tártip áskeriniń materıaldyq-tehnıkalyq bazasymen tanysty. Sondaı-aq ulan­dyqtarmen kezdesý barysynda Ulttyq ulandaǵy kúrmeýi she­shilmegen máselelerdi nazarǵa aldy. Dálirek aıtsaq, astanalyq áýejaı mańynda salynyp jatqan Ult­tyq ulan avıasııasynyń qury­ly­syn aıaqtaý, áskerılerge qaras­tyrylǵan turǵyn úı tólem­deriniń qaryzyn tolyqqandy tóleý syndy máselelerdiń oń sheshilýin Úkimetke tapsyrǵan bolatyn. Ulttyq ulan jeke quramy da ózine júktelgen qyzmettik-jaýyngerlik min­detterdi atqaryp, qoǵamdyq tártip pen qaýipsizdikti, ishki tynyshtyqtyń saqtalýyn qamtamasyz etý arqyly Elbasy bastaǵan, jalǵasyn jańa Prezıdent qolǵa alǵan maqsattardy baǵyndyrý isine úles qosatyn bolady.

Qaırat ÚMBETOV,

Halyq Qaharmany, Ulttyq ulan ofıseri, polkovnık

Halyqtyq qurylym

Tutas tarıhı dáýirdiń asa jaýapty kezeńin bastan ótkerip otyrǵan qazaqstandyqtar elimizdiń barlyq mańyzdy salalaryn qamtıtyn úlken ózgeristiń kýási bolǵaly otyr. Qazaqstan halqynyń qoldaýy men seniminiń nátıjesinde je­ńiske qol jetkizgen Qazaq­stan Prezıdenti Qasym-Jo­mart Toqaevtyń ulyqtalý rásiminen keıin qoǵam alǵash ret Ulttyq qoǵamdyq senim keńesi qurylatynyn estidi. Bul – alǵysharty buryn­nan pisip-jetilgen qoǵamdyq saıa­sattaǵy úlken másele.

Azamattyq qoǵam úshin qo­ǵamdyq kelisim ıdeıasynyń ma­ńyzy asa zor. Bul eń aldymen, qoǵamdyq pikir serkelerimen, úkimettik emes uıymdarmen, azamattyq qoǵam ókilderimen, qarapaıym azamattarmen ashyq ári shynaıy keri baılanys jasaýǵa múmkindikter syılaıtyn taptyrmas tıimdi alań. Qoǵamdyq bastamanyń qozǵaýshy kúshi bolyp júrgen ozyq oıly azamattar qaı óńirde bolsa da jeterlik, olar endigi jer­de jergilikti halyqtyń jaǵ­daıy­men tanysyp, derekter men málimetterdi qozǵap, tirkep qana qoımaı, sol máse­le­lerdi júzege asyrý men sheshý­diń joldaryn tabýǵa da kómek­tesedi. Sebebi el ıgiligi úshin qabyldanǵan memlekettik baǵdarlamalardan qoǵam kende bolmady. Olardyń barlyǵy da  halyq úshin, qoǵam úshin asa mańyzdy edi.

Biraq olardyń keı­biri­niń jer­gilikti bılik sheń­berin­de tolyq kúshinde júze­ge as­paǵanyn, o basta jos­par­lan­ǵandaı tıimdi ju­mys iste­me­genin, kútken nátı­jeni kórsetpegenin kórip otyr­myz. Qoǵamdyq pikir­diń je­tek­­shileri, úkimettik emes uıym­dardyń ókilderi jergilik­ti máselelerdi bilýimen qatar, ol qıyndyqtardyń neden týyndaǵanyn, ne sebepti oryn­dalmaı otyrǵanyn, ony jú­zege asyrý úshin qandaı ádis-tásilderge júginý kere­gin, jal­py memlekettik baǵdar­la­ma­lardy tolyqqandy júr­gizý­diń san baǵyttaǵy joldaryn nusqaı alady. Iаǵnı, bul baǵ­­dar­lamalardy maqsatty ny­san­ǵa, halyq ortasyna jet­ki­zý­diń tetikterin naq osy aza­mat­tar qamtamasyz etetin bolady.

О́kinishke qaraı, halyq­tyń ıgiligi men qoǵamnyń paı­dasy úshin qabyldanǵan baǵdarlamalardyń birqatary shıki kúıinde sheshimin tap­paǵan bolsa, oǵan sheneýnikter ǵana emes, talap etetin aza­mat­tar­dyń belsendiliginiń tómendigi de kináli. Menińshe, Ulttyq qo­ǵamdyq senim keńe­si osy ke­der­giler tóńiregin­degi aqpa­ratty, pikirlerdi mem­le­kettik or­gandarǵa, tipti Memleket bas­shysyna deıin jetkizip, jú­zege asyrýda óte mańyzdy qyz­met atqarady dep oılaımyn.

Altynaı KО́BEEVA,

«Aqparattyq resýrs ortalyǵy» Qoǵamdyq qorynyń dırektory

Barshanyń ıgiligine arnalǵan baǵdarlama

Qasym-Jomart Toqaev ha­lyq­tyń áleýmettik turmysyn jaqsartý maqsatynda barshanyń ıgiligi úshin baǵdarlama usyn­dy. Sabaqtastyq ádildik, órleý – úsh taǵanyn tirek etken jobanyń bolashaǵy zor dep aıtar edim. Baǵdarlama aıasynda «Birge» aksııasy sheńberinde halyqtyń jappaı usynys-pikiri jınaqtaldy. Búginde 530 myńǵa jýyq óti­nish kelip tústi. 1 500 000-nan as­tam adam usynys-pikir aıtty. Eń birin­shi áleýmettik máseleler­g­e, áleý­mettik qamsyzdandyrý­ǵa erek­she kóńil bóline­di. Jas­tar­dy jumyspen qam­tý, bilim salasyna baılanysty túıt­kildi máselelerdi sheshý ja­ıyn­­­da usy­nystar kóptep tústi. Qasym-Jomart Toqaev az qam­tyl­ǵan, kóp ­balaly otbasylar­ǵa bas­pana salý, az qamtyl­ǵan jáne kóp balaly otbasylarǵa, múmkindigi shekteýli jandarǵa, barlyq sanattaǵy muqtaj adam­darǵa beriletin áleýmettik kómek­tiń aýqymy kóbeıetinin aıtqan bolatyn. Sondaı-aq múmkindigi shekteýli adamdarǵa da áleýmettik kómek qoljetimdi bolady.

Qasym-Jomart Kemeluly – memlekettik qyzmette joǵary laýazymdarda uzaq jyldar jumys istegen tájirıbeli saıasat­ker. Bilim men ǵylym, áleýmet­tik, ekonomıkalyq máselelerdi jaqsy biledi.

«Sabaqtastyq. Ádildik. О́r­leý» tuǵyrnamasy qolda­nys­taǵy baǵdarlamalardy ári qa­raı jalǵastyrady. Halyqty qol­jetimdi turǵyn úımen qam­tamasyz etý úshin qazirgi bar baǵdarlamalardy turǵyn úı qurylysynyń biryńǵaı saıasatyna biriktirý josparda bar. Sonymen birge jumyssyzdyq azaıyp, eńbekaqy kóteriledi. «Aksııa» aıasynda aıtylǵan usynystar taldanyp, júzege asady.

Qanybek JUMAShEV,

Nur Otan partııasynyń hatshysy